💠 Islaam Ki Gurbat Ki Kahani 💠

💠 Islaam Ki Gurbat Ki Kahani 💠

💠 Islaam Ki Gurbat Ki Kahani 💠

Us Zamane Ki Kahani Bhi Hame Yaad He Jab Hamare Paas Pahenne Ke Liye Kapde Bhi Nahi The. Pehwand Lage Libaas Pehente The.

Wo Waqt Bhi Hame Yaad He ... Jab Hamare Paas 2-Gohode The , 6-Zire Thi , 8-Talwaare Thi , Aur 70-Ont The.

Aur Hamare Muqable Ke Andar Jo Dushaman Aaya Tha Unke Pass Ek Sau(100) Zira Poush Naujawaan Tha. Sare Nau-sau(9500) Ki Taadaad Ke Andar Unka Lashkar Tha Unke Paas Gaane Wali Randiya Bhi Thi. Aur Taade Aesh Dene Wale Unke Pass Nagme Aur Mizbaab Bhi The. Khane Pine Ke Samaan Bhi Wafar The.

Idhar Faaqaa Mast Log Jis Khajoor Ko Choos Kar Roza Rakhte The Usi Khajoor Ko Choos Kar Roza Iftaar Karte The.

Kya Bilaal Ameer Tha ?

Kya Salmaan Farsi Ameer Tha ?

Kya Abu Zulgaffari Ameer Shakhs Ka Naam Tha ?

Kya Badan Ke Uppar Pehwand Lage Libaas Pahenne Wale Wo Faaqaa Mast Ya Wo Maraqi Fehrist Main Aate The?

Hame To Wo Kahani Bhi Islaam Ki Gurbaat Ki Yaad Aati He Ke Jab Uhad Ke Andar 70-shahido Ke Laashe Pade Huwe He.

To Hazrat Safiya RadiyAllahu Ta'aala Anha Huzoor Ki Phophi Apne Bhai Hazrat Hamzah RadiyAllahu Ta'aala Anhu Ke Liye 2-Chadare Lekar Kafan Ki Aati He.

To Huzoor (Sallallahu Ta'aala Alehi Wa Sallam) Ne Farmaya Jis Qabr Main Hazrat Hamzah RadiyAllahu Ta'aala Anhu Ko Dafan Kiya Jaye Usi Qabr Main Hazrat Mus'ab Bin Umair RadiyAllahu Ta'aala Anhu Ko Bhi Kafan Diya Jaye Aur Dafan Kiya Jaye..

Aur Kaha Mere Chacha (Hazrat Hamzah RadiyAllahu Ta'aala Anhu)

Ke Liye Uski Jo Bahen Meri Phophi Jo 2-Chadare Le Aayi He

Kaha... Ek Chadar Ham Hazrat Mus'ab Bin Umair RadiyAllahu Ta'aala Anhu Ko De.

Ye Mus'ab Bin Umair Kon He?

Taareekh Padho Kitni Dil-Aawez Taareekh He .

Makke Main Ek Ameer Tareen Khatoon He ...

Jiske Bete Ka Naam Mus'ab He...

Wo Apne Bete Ko Itna KhoobSurath Libaas Pehnati Thi He Aur Itne Khoobsurath Khushbo Aur Itr Use Lagati He

Ke Mus'ab Bin Umair Jin Galiyo Se Guzarte The.. Der Tak Wo Galiya Mahekti Rehti Thi..

Log Kehte The Yaha Se Mus'ab Guzar Ke Gaya Hoga.. Isliye Ye Galiya Mahek Rahi He...

Accha Phir Mus'ab Par Nazar Padhti He Muhammade Arbi (Sallallahu Ta'aala Alehi Wa Sallam) Ki To Hazrat Mus'ab Bin Umair RadiyAllahu Ta'aala Anhu Huzoor (Sallallahu Ta'aala Alehi Wa Sallam) Ke Zulfo Ka Aseer Ho Jata He..

Maa Kafira He Jab Pata Chalta He To Uska Libaas Bhi Chin Leti He Sahulte Aur AasoodGiya Bhi Wapas Le Leti He Phir Wo Waqt Bhi Aaya Mus'ab Bin Umair Habsha Ki Janib Hijrat Kar Jate He Makke Ke HaaLaat Kuch Thode Se Khushgawar Nazar Aaye To Wo Habsha Se Wapas Makke Jab Palte To Unke Badan Par Jo Chadar Thi Wo Jaga Jaga Se Phati Huwi Thi..

Mere Aaqa Kareem Alehissalam Ne Dekha To Huzoor (Sallallahu Ta'aala Alehi Wa Sallam) Ke Aankho Se Aanso Tapak Ne Lage..

Kaha Wo Yahi Mus'ab He .... Jo Itna Khush-Pook Naujawaan Tha Ke Maine Pure Makke Main Isse Khoob-Surath Libaas Pehenne Wala Koyi Dusra Shakhs Nahi Dekha..

Aur Aaj Mere Mus'ab Ko Pehenne Ke Liye Jo Chadar Muyassar He Wo Bhi Jaga Jaga Se Phati Huwi He..

Ye Islaam Ki Gurbat Ki Kahani He...

:'(

Aur Aaj Uhad Main Yahi Hazrat Mus'ab Bin Umair RadiyAllahu Ta'aala Anhu Shaheed Hojate He ... Aur Unke Liye Kafan Bhi Dastiyaab Nahi He.

Huzoor (Sallallahu Ta'aala Alehi Wa Sallam) Ne Kaha Jo Mere Chacha Ke Liye 2-Chadare Laayi He Un Main Se Ek Ka Kafan Mus'ab Ko De Dona.. Aur Dusri Chadar Se Kafan Mere Chacha Ko De Diya Jaye.

Hazrat Mus'ab Bin Umair (RadiyAllahu Ta'aala Anhu) Ke Liye Badi Chadar Rakh Di Gayi Aur Hazrat Ameere Hamzah RadiyAllahu Ta'aala Anhu Ke Liye Jo Chadar Thi Wo Choti Thi Agar Sar Daa(n)pte To Pao Nange Hojate ........ Aur Pao Daa(n)te The To Sar Nanga Hojata. :'(

Huzoor ( Sallallshu Ta'aala Alehi Wa Sallam) Ne Farmaya Sar Ko Daa(n)p Do , Pao Ke Uppar Iskharnaami Ghaas Ko Dal Du.

Me Ye Islaam Ki Gurbat Ki Kahani Bata Rahi Hon

Jab Mere Rasool(Sallallahu Ta'aala Alehi Wa Sallam) Ke Chacha Ke Liye Pure Kafan Ka Thukda Bhi Dastiyaab Nahi Tha......

💫Islaam Us Waqt Bhi Izzat Paa Gaya Tha.

💫Islaam Us Waqt Bhi Zaleel Nahi Tha.

💫Islaam Us Waqt Bhi Sar Buland Tha.

💫Islaam Us Waqt Bhi Izzato Ki Masnad Par Tha.

Ye Wo Islaam Ka Daur He Huzoor (Sallallahu Ta'aala Alehi Wa Sallam) Masjide Nabwi Se Bahar Nikalte He To Aage Hazrat Umro Abu Bakar RadiyAllahu Ta'aala Anhuma Khade He. Chehre Ke Uppar Ajeeb Udasi He Kaha Umar Abu Bakar Is Waqt Kyun Khade Hon.

Arz Kiya Huzoor(Sallallahu Ta'aala Alehi Wa Sallam) Bhook Ne Ghar Main Tikne Nahi Diya.. Hamne Chaha Huzoor (Sallallahu Ta'aala Alehi wa Sallam) Ka Chehra Dekhle To Kuch Pyaas Bujh Jaye.

Kuch Bhook Mit jaye.

Huzoor (Sallallahu Ta'aala Alehi Wa Sallam) Ne Kaha Mera Haal Bhi Yahi He

Jis Cheez Ne Tujhe Gharo Se Nikala He Wahi Cheez Mujhe Ghar Se Nikaal Laayi He.

Huzoor (Sallallahu Ta'aala Alehi Wa Sallam) Chalte Huwe Abu Ayyub Ansari Ke Ghar Ke Qareeb Se Guzre Huzoor(Sallallahu Ta'aala Alehi Wa Sallam) Ki Khushbo Paake Bahar Aagaye ..

Arz Kiya Banda Nawaaz : Aaj Mere Mehmaan Nahi Bante?

Huzoor(Sallallahu Ta'aala Alehi Wa Sallam) Ne Farmaya Tumhari Marzi

Ghar Le Gaye Chataayi Bichayi

Huzoor (Sallallahu Ta'aala Alehi Wa Sallam) Ko Bitaya ..

Ghar Walo Ko Bakri Ka Baccha Zibah Karke Diya ... Kaha Jaldi Jaldi Khana Tayaar Karo Mere Aaqa(Sallallahu Ta'aala Alehi Wa Sallam) Ko Bhook Lagi Hogi

Ye Keh Ke Wapas Aaye Huzoor (Sallallahu Ta'aala Alehi Wa Sallam) Ke Paas Bethe Nazar Chehre Par Padhi To Gamha Gaye Naqahat Ke Aasaar Itne Wazeh The Ke Samajh Aa Rahi Thi Huzoor (Sallallahu Ta'aala Alehi Wa Sallam) Ne Kitne Dino Se Kuch Nahi Khaya .

Oth Kar Baagh Main Chale Gaye Khajoro Ka Ghoshaa Toda Huzoor(Sallallahu Ta'aala Alehi Wa Sallam) Ke Samne Rakha..

Kaha Banada Nawaaz : Jab Tak Khana Tayaar Nahi Hota Ye Khajoor Tana'ul Farmaye .

Thodi Der Ke Ba'd Khana Dastar Khwaan Par Lag Gaya .

Huzoor (Sallallahu Ta'aala Alehi Wa Sallam) Se Arz Ki Gayi Huzoor (Sallallahu Ta'aala Alehi Wa Sallam) Aaye Khana Tana'ul KarLe. Huzoor(Sallallahu Ta'aala Alehi Wa Sallam) Dastarkhwaan Par Tashreef Farma Ho Karke Huzoor(Sallallahu Ta'aala Alehi Wa Sallam) Ne Kapda Othaya To Huzoor (Sallallahu Ta'aala Alehi Wa Sallam) Ne Jab Dekha Ke Khana He

To Huzoor (Sallallahu Ta'aala Alehi Wa Sallam) Ne Ek Roti Li Aur Chand Botiya Othayi

Aur Ek Khaadim Ko Bula Kar Kaha Jao Hamare Ghar De Aao Meri Beti Fatima (RadiyAllahu Ta'aala Anha) Kitne Dino Se Bhoki He .

:'(

Jao Hamare Ghar De Aao Meri Fatima (RadiyAllahu Ta'aala A nha)Kitne Dino Se Bhoki Beti Huwi He.  :'(

● MALIKE KONAIN HE GO PAAS KUCH RAKHTE NAHI

DO JAHA KI NEAMATE HAIN UNKE KHAALI HAATH MAIN HE ●

WAQIYA E KARBALA POST NO,(36)> SALAAM O DUA

WAQIYA E KARBALA POST NO,(36)> SALAAM O DUA

 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Bahot Se Waqiat Batour E Iqtesar Bhi Zikr Na Kar Sake, Lekin Aayiye Hazraath Sohda e Keram Ki Khidmat me Salam E Aqidat Arz Karke Is Mubarak Posts "Waqiya e Karbala" Ku Dua Per Qatam Karen.

SALAM

Murtuza Ke Dularon Pe Lakhon Salam
Chasme Zahra Ke Taron Pe Lakhon Salam

Noor E Ain E Moula Ali Pe Darood
Hashmi Naamdaron Pe Lakon Salam

Bhuke Pyaase Gareebul Watan Khasta Jaa'n
Ba Khuda Roza Daron Pe Lakhon Salam

Sar Hateli Pe Rakh Kar Jo Sathi Huwe
Un BaHattar(72) Sawaron Pe Lakhon Salam

Qatl Ki Shab Jo Mahwe Ibadat Rahe
Un Tahajjud Guzaron Pe Lakhon Salam

Quwate Be-Kasan Dastagire Jahan
Be-Bason Ke Saharon Pe Lakhon Salam

Jin Ke Iman Se Iman Ne Paya Furugh
Ayse Iman Daron Pe Lakhon Salam


DUA

Dua hai ke Allah Azawajal Hame Aur Aap Ko isi Tarha Har Saal Majalise Moharram Munaqid Karne Buzurgon Ka Zikr e Jameel Sunne Sunane Aur inse ibrat o Nasihat hasil Karne Ki Toufeeq e Rafeeq Bakshe aur Allah ke MAhboob Bandon Ko Satane Aur Unki Shaan me Gustakhi O Be-Adbi Karne Se Mehfooz Rakhe.Aur Qayamat Ke Din NABIYEEN, SIDDIQEEN, SHUHADA AUR SALIHEEN ke Damane Karam Ke Saye Me Ham Logan Ka Hashr Farmaye, اللّٰھمّ آمین بجاه شفیع المذنبین ﷺ

Allah Hamare Is Kaam ko Shohda e Karbala RadiAllahuAnhum Ajamaeen Ke Sadqe O Tufail Me Qubul Farmaye, Aur Jis jis ne bhi ise Banane me Madad ki, isko Dosron Tak Pahonchaya Allah Un Sab ko Salamat Rakhe....Unke Neek Dili Jaiz Tamanna ko Pura KAre.....unke Gunahon ko Maaf Famaye...Aur Imam Hussain RadiAllahuAnhu ka Roza e Aqdas Ham Sab ko Dikahaye اللّٰھمّ آمین بجاه شفیع المذنبین

WAQIYA E KARBALA POST NO,(35) EK LAKH 40,000 MAQTOOL AUR QUDRATI INTEQAM

WAQIYA E KARBALA POST NO,(35) EK LAKH 40,000 MAQTOOL AUR QUDRATI INTEQAM


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Hakim Mohaddis Ki Riwayat Hai Ke Allah Ta'ala Ne Apne Habeeb Per Ye Wahi Bheji Thi Ke Qoum Yahood Ne Hazrath Zakariyah AlahisSalam Ku Qatal Kiya To Unke Ek Khoon Ke Badle 70,000 Yahudi Qatal Huwe.Aur Aap Ke Nawase Hazrath Imam Hussain Ke Ek Khoon Ke Badle 70,000 Aur 70,000 Yani 1,40,000 Shami O Kufi Maqtool Honge.Chunanche, Hazrath E Haq Jalla Majdahu Ka Wada Pura Huwa Ke Muqtar Ki Ladai Me 70,000 Shami O Kufi Qatal Huwe.Aur Phir Abbasi Salatanat Ke Bani Abdullah Bin Saffah Ke Hath Se 70,000 Shami O Kufi Mare Gaye.

Qudrati Inteqam

Qatilane Imam Aali Maqam Me Se Jo Bad Bakhth Qatal Se Bache O Tarha Tarha Ke Zillat Aamez O Ibrat Khez Qudrati Azabon Me Mubtila Ho Gaye.Chunanche O Bad-Naseeb Jis Ne Hazrath Imam Ka Sare Aqdas Shikar Band Se Bandha Tha.Bada Hi Khubsurat Aur Haseen Jawan Tha.Magar Is Waqiye Ke Baad Iski Surat Aysi Masakh Ho Kar Bigad Gayi Ke O Ek Dam Kala Rusiya Aur Karihul Manzar Ho Gaya.Logon Ne Iska Haal Pucha To Isne Bataya Ke Karbala Se Wapasi Ke Baad My Rozana Khwab Me 2 Khouf Naak Aadmiyon Ko Dekhta Hoon Ke O Mujhe Ghaseet E Huwe Jaldti Huwi Aag Per Aoundha Latkate Hain.Isi Tarha Har Roz Mera Chehra Jalta Aur Pigalta Rehta Hai.Yahi Wajah Hai Ke Mera Chand Sa Muh Siyah Aur Mera Haal Tabah Ho Gaya.Ye Khabees Ta Dame Marg Isi Bala Me Giraftar Rah Kar Mar Gaya.

Isi Tarha Jabir Bin Yazeed Azvi Jis Ne Hazrath Imam Ka Amama Sare Mubarak Se Utar Kar Apne Sar Per Bandh Kar Khushi Me Raqs Kiya Tha.Us Per Ye Qahre Ilahi Toot Pada Ke Fouran Hi Pagal Ho Gaya..Gandi Naliyon Ka Pani Pita.Aur Gobar Aur Dosri Najasaten Khata Phirta Tha.Majburan Uske Ghar Walon Ne Isku Zanjeer Me Jakadh Diya.Aur Isi Halat Me O Zameen Per Naak Lagad Lagad Kar Mar Gaya.
Ju'una Hazri Jis Ne Hazrath Imam Ka Kurta Utar Kar Pehan Liya Tha O Mardood Bhi Kodhi Ho Gaya.Aur Iske Jism Ki Khal Aur Sar Aur Dadhi Ke Baal Sadh Sadh Kar Zameen Per Gir Padhe.
Aswab Bin Hanzalah Ne Hazrath Imam Ki Talwar Per Qabza Kar Liya Tha.O Bhi Juzam Me Mubtila Huwa.Aur Iske Tamam Badan Per Bade Bade Aabile Padh Gaye,Yahan Tak Ke Iska Sara Badan Sadh Gaya.

Harmala Bin Kahil Jis Ne Hazrath Ali Asgar Ke Halkhoom Per Teer Mara Tha, O Is Azab Me Giraftar Huwa Ke Iska Agla Rukh Shikam Ki Janib Har Waqt Aag Ki Tarha Jalta Tha.Aur Peet Ki Taraf Pichla Hissa Baraf Se Ziyada Thanda Rehta Tha.Pusht Ki Taraf O Hamesha Aag Jalaye Rakhta Aur Shikam Ki Taraf Har Waqt Paani Chidakta Aur Pankha Jhulasta Rehta Tha.Aur Usku Pyaas Ki Aysi Shiddat Raha Karti Thi Ke Har Waqt Paani Pita Rehta Tha.Magar Uski Pyaas Nahi Bujhti Thi.Aakhir Isi Musibat Me Giraftar Rehte Huwe Sar Patak Patak Kar Hilak Ho Gaya.Algharaz Gulshane Zahra Ke Lehlahate Bagh Ku Ujadh Kar Rahmate Aalam Ke Sisha e Dil Ku Pash Pash Karne Wale Dushmanane Imam Me Se Koi Bhi Qudrat Ke Qahirana Inteqam Se Nahi Bacha.Aur Sab Ke Sab Qahre Qahhar O Ghazabe Jabbar Me Giraftar Ho Kar Aazabe Darain Ke Sazawaar Huwe.

Yaad Rakhiye Ke Is Duniya Me Jis Tarha Har Cheez Ki Khaas Khaas Taseeren Hain Isi Tarha Adal Aur Zulm Ki Bhi Khaas Khaas Taseerat Hain.Yaad Rakhiye Ke Adal Ki Taseer Aabadi Hai, Aur Zulm Ki Taseer Barbadi. Hazrath Moulana Rumi AlaihiRahma Ne Kya Khoob Farmaya Ke
Gandam Az Gandam Buroyad Jo Az Jo
Az Makafate Amal Ghafil Mashao.
Yani Gyahoon Bone Se Gyahoon Ugta Hai, Aur Jau Bone Se Jau Ugta Hai.Jo Bo'ege Wahi Katoge Isliye Apne Amal Ki Jaza Aur Padash Se Ghafil Na Ho.Mashoor Misl Hai Ke.

"Jaisa Karoge Waisa Bharoge."


Maqame Ibrat Hai Ke Sirf Chand Barson Me Dushmana e Imam Qudarat Ke Qahirana Inteqam Me Mubtila Ho Kar Duniya Se Neest O Nabood Ho Gaye.Aur Inka Naam O Nishan Bhi Mit Gaya.Sach Kaha Kisi Shayer Ne Ke..

Dedi???Ke Khoon E Nahaq Parwana Shamma Ra
Chanda Aman Na-Dad Ke Shab Ra Sahar Kunad

Yani Shamma Ne Parwane Ka Khoone Na Haq Kiya To Tumne Iska Anjam Bhi Dekha. Ke Parwane Ke Khoone Na Haq Me Shamma Ko Itni Deer Bhi Aman Nahi Di Ke O Subh Tak Roshan Rah Sake. Balke Subh Hone Se Pehle Hi Shamma Bhi Bujha Di Gayi.

Plzzzzz continue reading next post insha ALLAH,.......

WAQIYA E KARBALA POST NO,(34)> UBAIDULLAH BIN ZIYAD KA NA-PAAK SAR AUR NAAK ME SAANP

WAQIYA E KARBALA POST NO,(34)> UBAIDULLAH BIN ZIYAD KA NA-PAAK SAR AUR NAAK ME SAANP


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


ubaidullah bin ziyad Ka Na-Paak Sar

ubaidullah Bin Ziyad Jo Kufe Ka yazeedi Governer Tha. Aur Jisne Hazrath Imam Aur Ahle Bait Ku Karbala Me Qatal Karaya. Ye 30,000 Ki Fouj Le Kar "Mousal" Me Padao Kiye Huwe Tha. Muqtar Ne Ibrahim Bin Malik-e-Ashtar Ku Fouj Ka Sipah-Salar Bana Kar .Uske Muqabile Ke Liye Bheja. Chunanche, Mousal Se 15 Kos Ki Duri Per Daryaye Furat Ke Kinare Dono Lashkaron Me Din Bhar Jam Kar Ghumsaan Ki Ladai Huwi. Aur Aakhir Kaar Sham Tak Ibrahim Ka Lashkar Fatah Yaab Ho Gaya. Aur Ubaidullah Bin Ziyad Isi Maidan Me Mohraam Ki 10vi Tareeq 67 Hijri Ku Daryaye Furat Ke Kinare Qatal Huwa. Aur Uska Sara Lashkar Bhi Maqtool Ho Gaya. Ibrahim Ne Ubaidullah Bin Zayad Ka Sar Kat Kar Muqtar Ke Darbar Me Kufa Bheja Aur Muqtar Ne Darbar Aarasta Karke Majmu'ae Aam Me Ubaidullah Bin Ziyad Ke Sar Ku Apne Takh Ke Niche Theek Usi Jagah Per Rakhwaya. Jis Jagah Is Bad-Naseeb Ne Ibne RasoolAllah Ke Sar Ku Rakhwaya Tha.
Naak Me Saanp

Tirmizi Shareef Ki Hadees Hai Ke Jis Waqt Ibne Ziyad Bad-Nihad Ka Napak Sar Muqtar Ke Darbar Me Laa Kar Zameen Per Rakha Gaya To Nagaha Ek Sanp Gaib Se Namudar Huwa Aur O 3 Dafa Iski Naak Me Dakhil Huwa Aur Mooh Se Nikla Phir Ekdam Gaib Ho Gaya.Aur Kisi Ku Aaj Tak Ye Nahi Maloom Huwa Ke O Kahan Se Aaya Tha Aur Kahan Chala Gaya.

Plzzzzz continue reading next post insha ALLAH,........

WAQIYA E KARBALA POST NO,(33)> MUQTAR BIN UBAID KA KARNAMA.

WAQIYA E KARBALA POST NO,(33)> MUQTAR BIN UBAID KA KARNAMA.


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*

Muqtar Bin Ubaid Ne Bar Sare Iqtedar Aate Hi Sab Se Pehle Qatilane Hazrath Imam Se Inteqam Lene Ka Program Banaya .Chunanche Usne Kufe Ke Government House Me Takht Per Baith Kar "Ibne Sa'ad " Ku Talab Kiya. Ibne Sa'ad Ka Beta Hafs Hazir Huwa To Muqtar Ne Dant Kar Pucha Ke Tera Baap Kahan Hai?? Hafs Ne Jawab Diya Ke Aye Ameer O To Ek Muddat Se Apne Me Gosha Nasheen Ho Kar Ibadat Me Mashghol Rehte Hain.Muqtar Ne Gusse Me Surkh Ho Kar Kaha Ke "900 Chuhe Khake Billi Hajj Ku Chali' Aaj O Gosha Nasheen Ho Kar Ibadat Guzar Ban Gaya Hai??? Hazrath Imam Hussain Ke Qatal Ke Din O Gosha Nasheen Ibadat Guzar Kyun Nahi Bana?? Aaj O Iran Ki Governari Ka Khwab Kahan Gaya?? Jis Ki Hirs O Tamanna Me Is Khabees Ne Ibne RasoolAllah Ku Qatal Karaya Tha.Iske Baad Muqtar Ne Ibne Sa'ad Ku Giraftaar Karaya..Aur Tarha Tarha Ka Azab De Kar Ibne Sa'ad Aur Iske Bete Hafs Aur Shimar Waghaira Tamam Qatilane Imam Ku Qatal Kar Diya..Aur Inke Saron Ku Hazrath Imam Ke Soutele Bhai Mohammad Bin Hanfiyah Ke Pass Bhej Diya..Phir Muqtar Ne Apni Foujon Ku Hukm De Diya Ke Jo Shakhsh Bhi Mo'urika E Karbala Me Yazeedi Lashkar Me Shamil Raha Ho Uska Qatle Aam Kiya Jaye.Chunanche Hukm Sunte Hi Kufiyon Me Bhag-Dhadh Mach Gayi Magar Muqtar Ki Foujonn Ne Un Sab Ka Taqub Kiya.Aur Jisku Jahan Paya Dhond Dhond Kar Qatal Kar Dala.Aur Inki Lashon Ku Jala Kar Inke Gharon Ku Loot Liya...Kholi Bin Yazeed Jis Ne Imam Aali Maqam Ka Sar Kata Tha.O Bhi Giraftar Karke Muqtar Ke Darbar Me Ghaseet Kar Laya Gaya.Muqtar Ne Pehle To Uske Hath Paoon Katwae Phir Isku Suli Per Latkaya, Phir Aag Me Jhonk Diya..Isi Tarha Ibne Sa'ad Ke Tamam Lashkare Ashrar Ku Tarha Tarha Ke Azabon Ke Sath Qatal Kiya Aur 6,000 Kufi Jo Yazeedi Lashkar Ke Sath Karbala Me The In Me Se Har Ek Ku Muqtar Ne Hilak Kar Diya.

Plzzzz Continue reading next post insha ALLAH.......

WAQIYA E KARBALA POST NO,(32)> SITAMGARON KA BURA ANJAM

WAQIYA E KARBALA POST NO,(32)> SITAMGARON KA BURA ANJAM


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


yazeed Ki Hilakat Ke Baad Ahle Hijaz O Yaman Aur Iraq O Khirasan Walon Ne To Hazrath Abdullah Bin Zubair Ke Hath Per Baiat Ki Aur Misr O Sham Walon Ne Yazeed Ke Bete Mawiyah Bin yazeed Ku Takht Per Bithaya..Mawiyah Bin Yazeed Intehayi Neek O Swaleha Aur Ibadat Guzar Musalman Tha.Aur Apne Baap Ki Bad-Amaliyon Se Umr Bhar Bezar Raha.Ba-Dile Nakhwasta Ye Takhte Hukumat Per Baitha..Lekin Hukmat Sambhal Ne Ke Baad Se Ta Dame Marge Beemar Hi Raha Aur 40 Din Ya Chand Mah Ke Baad 21 Saal Ki Umr Me Inteqal Kar Gaya.Mout Ke Waqt Logon Ne Kaha Ke Aap Kisi Ku Apna Janasheen Bana Dijiye.To Isne Jawab Diya Ke Myne Is Hukumat Me Koi Lazzat O Halawat Nahi Payi To My Is Talqi Me Dosre Ko Kyun Mubtila Karon..Myne Tum Sab Logon Ku Apni Baiat Se Aazad Kiya...Tum Log Jisku Chaho Ye Saltanat De Do..
Maqame Ibrat Hai Ke O Saltanat Jisku yazeed Ne Ahle Bait E Nabuwwat Ke Khoon Per Qayim Ki Aur Jis Saltanat Ki Baqa Aur Istehkam Ke Liye.Hazaron Be-Gunahon Ku Qatal O Gharat Kiya.Khud Yazeed Bhi Isse Bahot Hi Kam Muddat Tak Mustafeed Ho Saka ..Aur Aaj Isi Yazeed Ka Beta Is Saltanat Ku Apni Thokar Se Maar Raha Hai..Mawiyah Bin Yazeed Ki Mout Ke Baad Misr Aur Sham Walon Ne Bhi Hazrath Abdullah Bin Zubair Ki Baiat Kar Li Aur Aap Puri Duniya E Islam Ke "Ameerul Momineen" Ho Gaye.Phir Marwan Bin Al-Hakam Ne Baghawat Ki Aur Misr O Sham Per Iska Qabza Ho Gaya. 65 Sane Hijri Me Jab Marwan Bin Al-Hakam Mar Gaya To Uska Beta Abdul Malik Bin Marwan Taqt Nasheen Huwa.Aur Isi Abdul Malik Bin Marwan Ke Ahad Me "Muqtar Bin Ubaid" Ku Kufe Me Ghalba O Iqtedar Hasil Huwa.

Plzzzzz continue reading next post insha ALLAH.......

WAQIYA E KARBALA POST NO,(31)> YAZEED PALEED KI HILAKAT.

WAQIYA E KARBALA POST NO,(31)> YAZEED PALEED KI HILAKAT.

 *بسم الله الرحمن الرحيم*

*الصلوة والسلام عليك يا رسول الله صلى الله عليه وسلم*

Imam Aali Maqam Ki Shahadat Ke Baad Yazeed Bilkul Hi Be-Lagam Ho Gaya Aur Iske Zalimana Doure Hukumat Me Zulm O Adwan Aur Bad-Aamali O Isyan Se Khuda Ki Zameen Bilbila Uthi, Zina , Sood, SharabKhori-O-Haram Kari Ki Har Taraf Garam Bazari Ho Gayi..Namaz O Roza Aur Hajj O Zakat Ki Pabandiyan Uth Gayen..Aur Shi'are Islam Ki Alal Elan Be-Hurmati Hone Lagi..Is Firoun E Zamane Ki Sarkashi Aur Shaitaniyat Is Had Tak Badhi Ke 63 Hijri Me Isne Muslim Bin Uqba Ku 12 Ya 20,000 Lashkar Ka Sipah Salar Bana Kar Madine Tayyaba Per Chadhayi Ka Hukm Diya Aur Is Lashkare Ashrar Ne Rasool Ke Darbar Aur Madine Munwwara Ke Kucha O Bazar Me O Tufan Barpa Kiya Ke Jis Ku Dekh Kar Kuffar Bhi Nadam O Sharam Saar Ho Jayen..In Firoun Sift Khoon Kharon Ne 700 Sahaba Ku Intehayi Be-Dardi Ke Sath Shaheed Kiya Aur Dusre Aam Musalmano Ku Mila Kar 10,000 Momineen Ku Zubah Kar Dala..In Shaitani Foujdaron Ne Masjide Nabwi Ke Sutuno Me Ghode Bandhe Aur Ahle Madina Ke Sath Aysi Aysi Bad-Tameeziyan Kiya Ke Unke Tasawur Se Bhi Jism Ka Rongta Rongta Aur Badan Ka Baal Baal Larza Barandam Aur Nidhal Ho Jata Hai.Phir Yahi Taghuti Lashkar Makke Mukarrama Per Hamla Aawar Huwa..Raste Me Ameere Lashkar Mar Gaya To Dosra Sipeh Salar Muqarrar Huwa.Aur In Shaitano Ne Kabe Muaazama Per Sang Bari Ki Aur Harame Mohtaram Me Najasat Phenki..Phir Kaba Muaz'zama Me Aag Laga Di..Jisse Gilafe Kaba Aur Chat Jal Gayi Aur Kabe Ke Tamam Tabarukat Ku Jala Dala..Inhi Taruukat Me Hazrath Ismail Zabiullah Ke Fidiye Me Qurbani Kiye Huwe Dumbah Ke O Singh Bhi Jal Gaye .Jo Sainkhdon Baras Se Kabe Me Batoure Tabaaruk Rakhe Huwe The Kayi Dino Tak Kaba Be Ghilaf Raha Aur Bashindagane Haram Saqt Musibaton Me MubtiLa Rahe. Aakhir Kaar Yazeed Paleed Qahare Qahhar O Ghazabe Jabbar Me Giraftar Huwa..Aur 3 Baras 7 Mahine Takhte Hukumat Per Shaitaniyat Karke 15 Rabi-Ul-Awwal 64 Hijri Ku Jis Din Iske Hukm Se Kabe Muazzam Me Aag Lagayi Gayi. 49 Baras Ki Umr Pa Kar Mulke Sham Ke Shaher Hamas Me Qisam Qisam Ke Amraz Khabisa Me Mubtila Ho Kar Hilak Ho Gaya.Yazeedi Fouj Ku Jab Apne Taghoot Ki Mout Ka Pata Chala To O Zaleel O Khawar Ho Kar Makke Mukarrama Se Farar Hone Lage.Aur Hazrath Abdullah Bin Zubair Ki Foujon Aur Bashindagane Haram Ne In Sitamgaron Ku Kutton Aur Cuhon Ki Tarha Dodha Doudha Kar Maar Dala..

WAQIYA E KARBALA POST NO,(30)> RAHAMATE AALAM KU SADMA E AZEEMA

WAQIYA E KARBALA POST NO,(30)> RAHAMATE AALAM KU SADMA E AZEEMA


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Is Hadisa E Faja Se Huzoor RahmateAalam SallallahuAlaihiwaSallam Ke Qalb E Nazuk Per Jo Sadma E Jaankah Guzra O Andaz O Qiyas Se Baher Hai.Hazrath Abdullah Bin Abbas RadiAllahuAnhu Ka Bayan Hai Ke Ek Roz Dopaher Ku My Khawab Me Huzoor Ahmade Muqtar SallallahuAlaihiWaSallam Ke Deedar Purnoor Se Musharraf Huwa Aur Myne Dekha Ke Huzoor Ke Gesu-e-Muambar Chehra E Anwar Per Bikhre Huwe Hain..Aur Daste Mubarak Me Ek Khoon Se Bhari Huwi Bottel Hai .My Ne Arz Kiya Ya Rasollallah!! Meri Jaan Aap Per Qurban ..Ye Bottel Kaise Hai??? Aur Is Qadar Zang O Malal K Kya Baat Hai?? To Irshad farmaya Ke Ye Mere Laqte jigar Hussain Aur Inke Jaanisar Rafiqon Ka Khoon Hai.Jisku My Aaj Suboh Se Utha Raha Hoon.Hazrath Ibne Abbas Farmate Hain Ke.My Ne Is Tareeq Aur Waqt Ku Yaad Rakha Aur Jab Chand Dino Ke Baad Khabar Aayi To Maloom Huwa Ke Yahi O Waqt Tha..Ke Hazrath Imam Shaheed Kiye Gaye The.
(Behqi)
***********************************

ANDHERA AUR KHOON KI BARISH

Riwayat Hai Ke Hazrath Imam Ki Shahadat Ke Roz Aap Ka Muqaddas Khoon Zameen Per Girte Hi Din Me Har Taraf Andhera Cha Gaya..Aur 3 Din Kamil Baghair Badli Ke Dhoop Gayab Rahi..Aur Har Taraf Andhera Hi Andhera Nazar Aata Raha..Aasman Se Khoon Ki Barish Huwi Aur Us Din Baitul Muqaddas Me Jo Pathar Uthaya Jata Tha Uske Neeche Taza Khoon Paya Jata Tha.Aur Sari Fiza Per Ranj Aur Udasi Ke Aasar Namudar Nazar Aate The.
(Behiqi)
***********************\**

WAQIYA E KARBALA POST NO,(29)> YAZIDIYON KI GUNDAGARDI

WAQIYA E KARBALA POST NO,(29)> YAZIDIYON KI GUNDAGARDI


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*

Imam Aali Maqam Ki Shahadat Ke Baad Yazzeediyon Ne Khimaye Athar Ka Sara Saman Loot Liya Aur Khime Ku Jala Dala Aur Apne Maqtulon Ku To Dafan Kiya Aur Tamma Shohda E Ahle Bait Ka Sar Kat Kar Unki Muqaddas Lashon Ku Ghodon Ki Tapon Se Rond Kar Unki Haddiyon Ko Bhi Chakna Choor Kar Diya...Aur Sarbarida Lashon Ku Be-Goor O Kafan Chod Kar Aur Tamam Shohda E Kiram Ke Saron Ku Nezon Per Chadha Kar Karbala Se Kufa Aur Kufe Se Damishq Tak Gasht Karaya...Aur Phir Ubaidullah Bin Zayad Ne Kufe Ke Govenmnt House Ku Aarasta Kiya..Aur Darbare Aam Munaqad Karke Hazrath Imam Ke Sare Aqdas Ku Apne Taqt Ke Neeche Rakha..Aur Be Adbi Ki Phir Shimar Na-Paak Ke Sath In Muqaddas Saron Ku Yazeed Ke Paas Damishq Bheja..Yazeed Ne Sare Mubarak Aur Ahle Bait Ku Hazrath Imam Zainul Aabideen Ki Hamrahi Me Madine Munawwara Rawana Kiya..Aur Hazrath Imam Ka Sare Aqdas Hazrath Bibi Fatimah RadiAllahuAnha Ya Imam Hassan RadiAllahuAnhu Ke Pehlu Me Madfan Huwa..

WAQIYA E KARBALA POST NO,(28)> HAZRATH IMAM AALI MAQAM RADIYALLAHU TA'AALA ANHU

WAQIYA E KARBALA POST NO,(28)> HAZRATH IMAM AALI MAQAM RADIYALLAHU TA'AALA ANHU


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


•● Saa'ate Aah -O- Baka -O- Beqarari Aagayi
Sayyade Mazloom Ki Ran Me Sawari Aagayi •●

•● Sath Wale Bhai Bete Ho Chuke Hain Sab Shaheed
Ab Imam Bekas -O- Tanha Ki Bari Aagayi •●

Ab Ye Waqt Aagaya Hai Ke Tamam Ahbab Aur Jawanane Ahle-Bait Shaheed Ho Chuke Hain. Sirf Hazrath Imam Aali Maqam Aur Inke Ek Farzand Imam Zainul Aabideen Baqi Rah Gaye Hain. Jo Bistare Bimari Per Intehayi Za'af -O- Naqahat Ki Halat Me Padhe Huwe Hain.
Jab Hazrath Imam Ne Tanha Maidane Jang Me Jane Ka Azm Farmaya. To Hazrath Zainul Aabideen Apni Bimari Aur Naa'tawani Ke Bawajood Mujahidana Azm Ke Sath Hath Me Neza Liye Huwe Aaye. Aur Arz Kiya Ke Abba Jaan !! Pehle Mujhe Sar Katane Ki Ijazat Dijiye, Ye Nahi Ho Sakta Ke Mere Hote Huwe Aap Shaheed Ho Jayen.

Hazrath Imam Ne Farmaya Ke Beta !!! Me Tumhi Hargiz Kabhi Maidane Jang Ki Ijazat Nahi De Sakta. Kyunke Tumhare Siwa Ab Ahle-Bait Ki In Masturaat Ka Koyi Mahram Baqi Nahi Rah Gaya Hai. In Bekasaane Ghareebul Watan Ko Watan Tak Koun Pahonchayega.. Aur Inki Nighe Daasht Aur Khabar Giri Koun Karega???  Mere Jaddo Pidar Ki Jo Amanate Mere Paas Hain wo Kisko Supard Ki Jayengi !! Meri Nasal Aur Husaini Sayyado Ka Silsila Kisse Chalega???
Mere Baad Mera Janasheen Tumhare Siwa Ab Koun Hoga?? Beta Zainul Aabideen !! Ye Sari Ummede Tumhari Zaat Se Wabasta Hain. Lihaza. Aye Jaane Pidar !! Tum Hargiz Hargiz Maidane Jang Ka Qasad Na Karo Aur Dekho Za'af -o- Naa'tawani Se Tumhare Qadam Dag-Maga Rahe Hain. Lihaza Tum Bistar Per Leet Jao. Phir Hazrath Imam Ne Hazrath Zainul Aabideen Ko Bahot Si Wasiyate Farmaye. Aur Apne Seene Ke Batini Uloom -O- Israar Se Unhe Sarfaraz -O- Faizyaab Farma Kar Apna Janasheen Banaya... Aur Khud Is Shaan Se Maidan Ka Qasd Farmaya Ke Misri Qubah Zebtan Farmayi Aur Aur Taburrukat Me Se Huzoor Rahmate Aalamﷺ  Ka Muqaddas Amamah Sar Per Baandha Aur Hazrath Syed-us-Shohada Hamza RadiyAllau Ta'aala Anhu Ki Dhaal Pusht Per Rakhi, Aur Haidare Karrar Ki Talwar Zulfiqar Ka Gale Me Haar Pehna Aur Tamam Ahle Khileema Ko Sabar Aur Shukr Ki Wasiyat Farma Kar Aur Sab Ko Apna Aakhri Deedar Dikha Kar Ghode Per Sawar Ho Gaye...

Allahu Akbar!! Ahle_Kheema Ne Is Hosh-Ruba Manzar Ko Kin Aankho Se Dekha Hoga?? Naaz Ke Paale Bachchon Ke Saro Se Shafaqqat -E- Pidari Ka Saya Uth Raha Hai. Aur Muqaddas Biwiyo Ka Suhag Ruksat Ho Raha Hai..Gharibul Watan Bekas Musafiro Ka Qafila Hasrat Bhari Nigaho Se Apne Meere Kaarwa Ke Cehre Ka Aakhri Nazara Kar Raha Hai. Parda Nasheenaane Haram Khouf -O- Hiraas Aur Hasrat -O- Yaas Ki Khamoosh Tasweere Bani Huwi Khadi Hain. Aur Sab Ki Aankho Se Ashke Gham Ke Moti Tapak Tapak Kar Inke Qadmo Per Qurban Ho Rahe Hain.

Hazrath Imam Ne Sab Ko Khuda Ke Supurd Kiya aur Maidane Jang Ki Taraf Rawana Ho Gaye. Kayi Din Bhook Pyaas Se Muzmahal Aur Bhaiyo , Beto, Bhatijo Ke Gham Se Nidhal Hain. Aur Samne Hazaarha Khoon Ke Pyase Khoon Khwaro Ka Lashkar Samandar Ki Tarha. Moujen Maar Raha Hai. Magar Husain Bin Ali Jin Ki Rago Ke Andar Khoon Ke Qatre Qatre Me Rasoole Khuda Ka Khoon ShaMil Tha. In Masa'ib -O- Aalaam Ke Hujoom Me Bhi Sabar -O- Tahammul Aur Azm -O- Isteqamat Ka Pahad Ban Kar Khoon-Khwar Ash'raar Ke Muqabil Mujahidana Shaan -O- Shoukat Ke Sath Khade Ho Gaye. Aur Pehle Apni Pur Jalal Aawaz Aur Mujahidana Lahje Me Ek Walwala Angez Rijz Padhi. Jis Ke Chand Ash'ar Aap Bhi Padhiye..

(Tarjuma)

Hazrath Imam Ne Farmaya Ke Mere Baap Suraj Hain
Aur Meri Maa Chaand,
Aur Me Sitara Hon Aur In Dono Chand -o- Suraj Ka Beta Hon
Tamam MaKhLooq Me Kiska Nana Mere Nana Ke Misl Hai??
Aur Tamam Jin -O- Ins Me Koun Hai Jis Ki Maa Meri Jaisi Ho,
Fatimah Zahra Meri Maa Hain, Aur Mere Baap Dul-Dul Sawar
Aur Ek Kaman Se 2 Teer Chalane Wale Hain.
Mere Baap Ne Badre Waahid Aur Hunain Ki Ladayiyo Me Bade Bade Dilawaro Ko Shikast Dedi Hai.

Phir Aap Ne Ek Fasih-o-Baleegh Khutba Padha. Jisme Apne Fazail Aur Apni Be-Gunahi Ko Aaftab -E-Nisfun Nihar Se Zyada Roshan -O- Aashkar Kar Diya. Chunancha Aap Ke Kalmat Tayyibaat Ko Sun Kar Yazeedi Lashkar Ke Bahot Se Log Mutassir Ho Kar Zar-Zar Rone Lage. Lekin Shimar Waghaira Khabsa Ne Ye Dekh Kar Ke Hazrath Imam Ki Taqreer Se Logo Ke Quloob Mutassir Ho Rahe Hain. Aur Hazrath Imam Ki Haqqaniyat Aur Aap Ki Be-Gunahi Aur Mazlumiyat Ka Aaftab Tulu Ho Kar Logo Ke Dilo Me Ek Noorani Inqalaab Paida Kar Dega. To In Logo Ne Ek Dam Shor -O- Ghul Machana Shuru Kar Diya. Ke Aap Ya To Yazeed Ki Baiat Ki Jiye Ya Phir Jang Ke Liye Tayyar Ho Jayiye. Iske Siwa Ham Khuch Sunne Ke Liye Tayyar Nahi Hain. Hazrath Imam Ne Farmaya Ke Koor Batino !! Mujhe Maloom Hai Ke Tumhare Dilo Per Batini Shaqawat Ki Mohar Lag Chuki Hai. Lekin Mera Ye Khutba Sirf Itmame Hujjat Ke Liye Tha.Take Qiyamat Ke Din Tum Ye Na Keh Sako Ke Hamne Haq Aur Imame Bar Haq Ko Pehchana Nahi Tha. Isliye La-ilmi Me Hamne Ahle_Bait Ka Khoon Bahaya Tha.

Alhamdulillah !!! Ke Me Tumhara Ye Uzr Khatam Kar Chuka. Ab Raha Yazeed Ki Bait Ka Sawal??? To Ye Mujh Se Kabhi Hargiz Nahi Ho Sakta Ke Me Batil Ke Samne Sar Jhukao.. Aur Apna Paak Hath Yazeed Paleed Ke Na-Paak Hath Per Rakh Kar Bait Karo.
Lehaza Ab Tum Apna Irada Pura Kar Lo Aur Jisko Mere Muqabla Ke Liye Bhejna Cahte Ho Usko Mere Samne Bhej Do. Ibne Sa'ad Ne Sabse Pehle Tameem La'eem Ko Jo Mulke Shaam Ka Ek Naam'war Sardar Tha Jang Ke Liye Bheja. Aur wo Behaya Yazeed Ke Inam -O- Ikram Ke Lalach Me Ibne RasoolAllah Ka Sar Katne Ke Liye Nihayat Ghurur Ke Sath Talwar Chamkata Huwa Aaya. Magar Abhi War Ke Liye Uska Hath Utha Hi Tha Ke Hazrath Imam Ne Zulfiqar Ka Aisa Bharpoor Hath Mara Ke Tameem Ka Sar Kat Kar Gend Ki Tarha Door Ja Kar Gira. Phir "Yazeed Abtahi" Jiski Dila'wari Ki Iraq -O- Misra Balke Sham -O- Rome Tak Me Dhoom Machi Huwi Thi. Nihayat Mutakabbirana Andaz Me Shaitani Chaal Chalta Huwa Hamla Ke Liye. Badha Aur Ek Dam Achanak Hazrath Imam Per Talwar Chala Di Magar Aap Ne Uske War Se Bach Kar Uski Kamar Per Aisi Talwar Mari Ke wo Kakdi Ki Tarha Kat Kar 2 Tukde Ho Gaya. Phir ibne Sa'ad Ka Hukm Pa Kar Ek Teesra Sarkash Pehalwan Nara Marte Aur Shoor Machate Huwe Aage Badha. Aur Badhe Ghamand Se Kehne Laga Ke Hussain Bin Ali !! Ab Hoshiyar Ho Jao Me Wo Jang-jo Dila'war Hon Ke Pure Sham -O- Iraq Me Mere Shuja'at Ka Danka Baj Raha Hai Ye Kah Kar -O- Mast Hathi Ki Tarah Jhoomta Huwa Aage Badha Aur Fouje Sharar Ko Yaqeen Ho Gaya Ke Ye Zaroor Imam Ka Kaam Tamam Kar Dega. Imam Ne Uski Gustakhana Chaal Dekhi To Daantt Kar Farmaya Ke Aye Shami Ga'nwar Ke Bete Tu Kiske Samne Itni Denge Maar Raha Hai?? Kya Tu Mujhe Pehchanta Nahi?? Hosh Ki Dawa Kar Idhar Udhar Mat Dekh Samne Nazar Kar Tere Maqabla Fatihe Khaibar Ali Haidar Ki Shuja'at Ka Waris Shere Nar Khada Hai. Shami Pehalwan Ye Sun Kar Aur Ziyada Taish Me Bhar Gaya Aur Cheekh Kar Bola Ke Husain !! Sambhalna Me Wo Shamsheer Marta Hon Ke Agar Pahad Per Maro To Pahad Surma Ban Jaye. Ye Kaha Aur Imam Per Talwar Chala Di Magar Imam Ne Iska War Khali De Kar Uski Kamar Per Zulfiqar Ka Ek Jinchatula Hath Mara To Aisa Maloom Huwa Ke Ek Kheera Tha Jo Kat Kar 2 Tukde Ho Gaya. Aur Is Zarbe Haidari Ki Haibat Se Zameen -E- Karbala Ka Zarra Zarra Dahel Gaya. Aur Qudrat Pukar Uthi Ke...

•● Shaahe Mardaa(n) Shere Yazdaa(n) Quwwat-e-Parwardigar
Laa'Fatah illa Ali La Saifa illa Zulfiqaar ●•

Phir To Hazrathe Imam Qahre ELaahi Ki Bijli Ban Kar Lashkare Ashrar Per Toot Pade Aur Jo Samne Aaya Ek Hi War Me Uska Kaam Tamam Kar Diya. Kisi Ko Neze Ki Ani Per Utha Kar Is Zoor Se Zameen Per Patka Ke Iski Haddiya Bhi Chakna Choor Ho Gayi Kisi Ko Uska Patka Pakadh Kar Jhatka Diya To Usko Ghode Se Zameen Per Patka. Aur Us Per Ghoda Doudha Kar Ghode Ki Tap Se Usko Rond Kar Pamal Kar Dala. Kisiki Pusht Per Talwar Mari To Wo 2 Tukdhe Ho Kar Ghode Se Gir Padha Kisi Ke Sar Per Zulfiqar Ka War Kiya To Khud Wo Maghfar Ke Purze Purze Udha Diye. Kisi Ki Gardan Per Shamshire Haidari Chalayi To Uska Sar Kat Kar Door Tak Ladakta Chala Gaya. Gharz Reteli Zameen Ko Dushmano Ke Khoon Se Rangeen Bana Dala. Aur Registaane Karbala Me Bahadduro Ke Saro Ko Khet Bo Diya. Aur Aap Ki Haibat -O- Shuja'at Ka Dushmano Ke Dilo Per Aisa Sikka Betha Ke Yazeedi Lashkar Me Bhagdhar Mach Gayi. Ibne Sa'ad Ne Jab Apne Lashkariyo Me Hol Aur Sari Fouj Ko Danowa-Dol Hote Dekha to Usne Ye Samajh Liya Ke Dast-Ba-Dast Ki Jang Me To Hamari Sari Fouj Bhi Is Haidari Shere Haq Ka Muqabla Nahi Kar Sakegi. Isliye Usne Muhasira Karke Hamla Karne Ka Mansuba Banaya. Chunancha Har Char Taraf Se Fouje Ashrar Ne Yalghar Karke Hazrath Imam Ko Gher Liya. Phir Door Se Teer Andazi Ki Barish Shuru Kar Di. Yahan Takke Ek Zahar Me Bujhaya Huwa Teer Hazrath Imam Ki Us Muqaddas Peshani Per Laga Jisko Hazaron Baar Mehbube Parwar Digar Ne Mohabbat -O-Pyar Se Chuma Tha. Teer Lagte Hi Khoon Ka Fawwara Chehra-E- Anwar Per Baha Nikla Aur Aap Ghash Kha kar Ghode Ki Zain Se Zameen Per Utar Pade. Phir Zalimo Ne Neza -O- Shamsheer Ki Maar Se Is Qadar Zakhmi Kar Diya Ke Noorani Paikare Khoon Me Naha Gaya. Aur Aap Bahattar(72) Zakhm Kha Kar Zameen Per Beth Gaye. Aur Shaitan Sifat Sinaan Ne Seena -E- Aqdas Per Neza Mara Aur Aap Jab Sajde Me Gir Pade To Shimar Mardood Ne Talwar Mari Aur Aap Shaheed Ho Gaye...
.
♢♢ إِنَّا لِلّهِ وَإِنَّـا إِلَيْهِ رَاجِعونَ ♢♢

Ek Riwayat Me Ye Bhi Aaya Hai Ke Das Sawar Aap Ke Qatla Ke Liye Aage Badhe Magar Jo Samne Aata Khouf -O- Sharam Se Peeche Lout Jata. Lekin Shimar, Sinaan, Khouli, Shabal Ye Charo Khabsa Aap Ke Samne Aaye. Aur Shimar Mardood Aap Ke Sina-E- Aqdas Per Sawar Ho Gaya. Hazrath Imam Ne Farmaya Ke !!! Ae_Sitamgaaro !!! Aaj Jummah Ka Din Hai Aur Suraj Dhal Gaya Hai. Ye wo Waqt Hai Ke Mere Nana Jaan Ki Ummat Ke Khutba Ya To Mimbaro Per Mere Nana Jaan Ka Khutba Padh Rahe Honge. Ya Namaze Jumma Ada Kar Rahe Honge.
Afsoos !! Is Waqt Husain Bin Ali Aisi  Bekasi -O- Be-Basi Ke Aalam Me Hai Ke Namaze Jummah Ada Nahi Kar Saka.
Lekin Aye Shimar Tu Zara Der Ke Liye Mere Sine Se Hath Ja Take Me Jis Haal Me Bhi Hon Khuda Ka Farz Ada Karlo. Chunancha Hazrath Imam Ne Tayyamum Farma kar Namaz Shuru Kardi.
Qirat Bhi Padhli, Ruku Bhi Kar Liya, Sajda Bhi Kar Liya. Magar Ye Sajda Imam Ki Namaz Ka To Pehla Hi Sajda Tha. Magar Imam Aali Maqam Ki Zindagi Ka Yahi Aakhri Sajda Tha. Abhi Aapne Sajde Se Sar Nahi Uthaya Tha Ke Sinaan Ne Neza Mara Aur Shimar Ne Talwar Chala Di. Aur Aap Shaheed Ho Gaye.
Phir Khouli Ne Ya Shabal Ne Aage Badh Kar Sare Aqdas Ko Tane Mubarak Se Juda Kar Diya. Aur Hazrath Imam Ka wo Muqaddas Khoon Jiske Ek Ek Qatra Ki Qimat  Zameen -O- Aasman Aur Is Jahan Ka Sara Saamaan Bhi Nahi Ho Sakta. Yazeedi Sitamgaaro Ne 10 Moharram , 61 Hijri Jummah Ke Din Karbala Me Intehayi Be-Dardi Ke Sath Baha Diya.
 Lekin Musalmano !!!!
Karbala Ki Zameen Ka Zarra Zarra Qiyamat Tak Ye Pukarta Aur EAelaan Karta Rahega Ke...

•● Jo Zere Khanjar Qatil Ada Namaz Kare
Namaz Aise Namazi Pe Kyun Na Naaz Kare ●○

Aaj Hazrath Imamgo Hamari Nazro Ke Samne Nahi Rahe. Magar Unke Muqaddas Khoon Ka Qatra Qatra Qayamat Tak Aane Wali Musalman Naslo Ko Karbala Ki Zameen Se Ye Walwala Angez Aur Rangeen Paigham Deen Deta Rahega...Ke....

•● Khoo(n) Me Nahao , Zakham Saho, Sar Fida Karo,
Jab Waqt Aaye Deen Pe Yun Haq Ada Karo ●•

Marna To Sab Ko Hai. Magar JigarE Goshaye Rasool -O- Farzande Batoool Ne Sajde Me Sar Kata Kar Apne Nana Jaan Ki Ummat Ko
وَتَوَاصَوْا بِالْحَقِّ وَتَوَاصَوْا بِالصَّبْرِ ○

Ki Amali Tafseer Aur
وَلاَ تَمُوتُنَّ إِلاَّ وَأَنتُم مُّسْلِمُون○

َKa Ye Darse Hayaat Diya. Ke Muslamano Maro To Is Shan Se Maro Ke..

•● Halaq Per Tegh Chale, Sine Pe Jallad Rahe,
Labpe Ho Naam Tera, Dil Me Teri Yaad Rahe ●•

Afsoos !!!
Ta'reekhe Islam Me. Ye Kaisa Khoon Rulane Wala Saaneha Hai ??
 Ke RasoolAllah ﷺ Ka Kalma Padhne Walo Hi Ne Ibne RasoolAllah ﷺ Ke Jism -E- Athar Per 72 Zakhm Laga Kar Unka Sar Kaat Liya.  Aur Gulshane Rasool Ko Taakht -o- Taaraaj Karke Khanaye Ahle-Bait Ke Us Roshan Chiragh Ko Bhuja Diya. Jisse Tamam  Duniya -E- Islam Me Hidayat Ki Roshni Thi.

Aah...Aah..!!! Is Sadma Jaan-Ka Se Dil Ghayal Qalb Majruh Jism Larza Bar'andam Aur Aankhe Ashkhbaar Hain.
Afsoos !!!! Sad Hazaar Afsoos !!

•● Ye Inayato Ki Jaza Mili, Ye Hidayato Ka Sila Mila
Jo Charagh Noor -E- Nabi Ka Tha , Use Karbala Me Bujha Diya ●•

•● Ye Husain Tera Hi Kaam Tha Ke Sab Apne Laal Fida Kiye
Tujhe In Sitaro Ne Doob Kar Shabe Gham Ka Chand Bana Diya ●•

•● Jo Husain Kheeme Me Jayenge, Waha Jake Kisko Dikhayege
Jise Maa Ki Goad Se Laye The, Use ZerE Khaak Sula Diya ●•

•● Ye Sanan -O- Teer Ki Dawate, Ye Ali Ke Laal Ki Himmate,
Kabhi Noujawan Ka Jigar Diya, Kabhi Be-Zaban Ka Gala Diya ●•

•● Chaman Aap Apna Luta Gaye, Ke Bahare Deene Khuda Rahe,
Na Jama Jo Range Bahar Se, To Lahu Bhi Apna Mila Diya ●•

Allahuma___Salle___Alaa___Sayyidina__wa___Maulana___Muhammadin___Wa___Alaa____ Aalihi___Wa___As'Haa'Bihi____Wa___Barik___Wa___Sallam.

Plzzzz > Continue reading next post insha ALLAH........

WAQIYA E KARBALA POST NO. (27)> HAZRAT ALI ASGAR

WAQIYA E KARBALA POST NO. (27)> HAZRAT ALI ASGAR


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Abhi Imam Aali Maqam Ali Akbar Ki Laash Mubarak Ko Zameen Per Lita Kar Uthe Hi The Ke Hazrath Imam Ki Behan Hazrath Bibi Zainab Hazrath Imam Ke Sheer-Khwar Bachche Ali Asgar Ko Goad Me Liye Huwe Tashreef Layen.
Aur Kehne Lage Ke Bhai Husain !! Ab Hamse Ali Asgar Ki Pyaas Dekhi Nahi Jati. Bhooki Pyaasi Maa Ke Sine Me Doodh Khushk Ho Chuka Hai Aur Ye Sheer-Khawar Bachcha Pyaas Se Be-taab Aur Tishnagi Ki Shiddat Se Tadap Tadap Kar Dam Tod Raha Hai.
Phool Jaisa Haseen -O- Rangeen Chehra Bhook Pyaas Aur Tapish Se Murjha Gaya Hai. Aur Iske Patle Patle GuLabi Rang Ke Hont Jiski Nazakat -O- Rangini Per Gulab Ki Kaliya Qurban Hoti Thi. Pyaas Ki Shiddat Se Kaale Padh Gaye Hain.
Iska Rona Bilakna Aur Tadapna Machalna Dekhne Ki Ab Hamare Andar Taab Nahi Hai. Isliye Bhaijaan Meri Ye Ray Hai Ke Aap Is Nahnhi Si Jaan Ko Maidan Me Le Ja Kar Sitamgaro Ko Dikhayiye.
Shayad In Sang Dilo Ko Is Bachche Ki Pyaas Per Raham Aajaye Aur Wo Chand Ghont Is Bachche Ko Pani Pila De.

Bahen Ke Israr Se Majboor Ho Kar Imam Aali Maqam Apne Noore Nazar Ali Asgar Ko Apni Goad Me Utha kar Siyah Dil Dushmano Ke Samne Tashreef Le Gaye. Ke Aye Mere Nana Jaan Ka Kalma Padhne Walo Me Apne Tamam ShahzadaGane Ahle_Bait Ko To Tumhari Be-Rahmi Aur  Joor -O- Jafa Ki Nazar Kar Chuka Ab Ye Mera Sabse Chota Bachcha Hai. Jo Gulshane Rasool Ka Sabse Nanhna Pouda Hai.Jo Pyaas Ki Shiddat Se Dam Tod Raha Hai. Mera Ye Be-Zuban Bachcha Isne Ab Tak Kisi Se Koyi Sawal Nahi Kiya Hai. Magar Aaj Ye Apne Nhanhe Nhanhe Hato Ko Tumhari Taraf Phaila Kar Tum Se Darya -E- Faraat Ke Chand Ghont Paani Talab Kar Raha Hai. Agar Tumhare Baagi Hain To Ham Hain Tumhare Dushman Hain To Ham Hian.
Tum Hame Paani Mat Do. Magar Is Noor Ki Tasweer Aur Husn Ki Murat Ki Pyaas Per Raham Khao Aur Khuda Ke Liye Tum Mere Laal Aur Chamane Fatimah Ke Nou-Nihaal Ko Chand Ghont Daryay-E- Faraat Ka Paani Pila Do. Me Wada Karta Hon Ke Maidane Mehshar Me Tumhe Apne Nana Jaan Ke Hath Se Bhar Bhar Pet Kousar -O- Salsabeel Ka Jaam Pila Dunga .

Abhi Hazrath Imam Ki Dil Hila Dene Wali Taqreer Jari Hi Thi Ke Hurmila Bin Kaahil Mardood Ne Zaher Ka Bujhaya Huwa Teer Aisa Nishana Baandh Kar Mara Ke Ali Asgar Ke Khush'k Halqoom Ko Chedta Huwa Hazrath Imam Ke Bazu Me Chub Gaya.
Hazrath Imam Ne Teer Kheench Kar Nikala To Khoon Ka Fawwara Ali Asgar Ke Gale Se Ubalne Laga. Pyase Bachche Ne Fouran Hi Dam Tod Diya. Aur Nanhi Si Laash Khoon Me Naha Gayi.
Hazrath Imam Ne Hasrat Bhari Nigah Aasman Ki Taraf Uthayi Aur

♢♢ إِنَّا لِلّهِ وَإِنَّـا إِلَيْهِ رَاجِعون ♢♢

َPadha. Aur Nanhe Shaheed Ki Laash Ko Apne Kaleje Se Chimtaye Aur Chadar Me Chupaye Huwe Aahista Aahista Kheema Ki Taraf Rawana Huwe. Kheema Ke Darwaze Per Hazrath Imam Ki Behan Dosri Parda Nashee'Naane Ahle-Bait Ke Sath Imam Ki Aamad Ka Intezar Kar Rahi Thi. Imam Ko Door Se Aata Dekh Kar Hazrath Bibi Zainab Hazrath Bibi Sakina Se Kehne Lage Ke Beti Sakina !!! Mujhe Aisa Maloom Hota Hai Ke Shayad Ali Asgar Ko Paani Mil Gaya.  Aur Pyasa Bachcha Paani Se Sairab Ho Kar Baap Ki Goad Me So Gaya Hai.  Kyunke Jab Bachcha Ja Raha Tha To Pyaas Se Tadapta Aur Machalta Huwa Gaya Tha , Lekin Ab Hath PaoNahi Hilata Aur Bade Sukoon Se Baap Ki Goad Me Chala Aa Raha Hai.

Lekin Hazrath Imam Ne Jab Kheema Me Pahonch Kar Khoon Me Nahayi Huwi Nanhe Shaheed Ki Laash Ko Chadar Me Se Nikala To Ye Manzar Dekh Kar Mustu'Raate Haram Ki Cheekh Nikal Gayi

○● Phire Waha Se Jo Laashaa Liye Shabbir
Khadi Thi Devdhi Pe Aur Ro Rahi Thi Sab Dilgir ●○

○● Qareeb Aake Ye Bole Husain Pur Tanveer
Sidhare Asgare Be-Sher Khake Halaq Pe Teer ●○

○● Tumhara Maahe Liqa , Khoon Me Bhar Gaya Banu
Tadap Ke God Me Marhom , Mar Gaya Banu ○●

Hazrath Imam Ne Nanhi Si Laash Ko Behan Ki Goad Me Diya , Aur Farmaya Ke Behan Zainab !!!
Sabar Karo Aur Shukr Ada Karo Ke Khuda Ne Hamse Ye Sabse Choti Qurbani Bhi Qubool Farmali. Aur Behan Zainab !!!  Khuda Ka Sajda -E- Shukr Ada Karo Ke Mujahidine Karbala Ka Sabse Nanha Sipahi Bhi Apne Khoon Ka Aakhri Qatra Raahe Haq Me Qurbaan Karke Dono Jahan Me Sar Khuru Ho Gaya.

Hazrath Bibi Zainab Ne Ali Asgar Ki Lash Ko Goad Me Liya , Aur Kehne Lage Ke Haye!!! Me Ab Isko Kis Tarha Is Ki Maa Ke Pass Lekar Jaon?? Me To Isko Abhi Abhi Iski Maa Se Ye Kah Kar Layi Thi Ke Me Tere Bachche Ko Paani Pilane Ke Liye Le Ja Rahi Hon.  Hazrath Zainab Ne Jis Waqt Maa Ki Gaod Me Ali Asgar Ki Laash Ko Diya To...
Maa Ne Haye Mera Laal !!!  Keh Kar Laash Ko Apne Kalije Se Lagaliya. Aur Rote Huwe Kaha Ke Beta !!
Ek Martaba Aur Apni Maa Ke Sukhe Huwe Pistan Me Muh Lagalo. Kyunke Ab Tumko Apne Sine Se Lagana Mujhe Kabhi Naseeb Nahi Hoga.

Haye Afsoos !!

○● Phool To Do Din Bahare Jaa(n) Fiza Dikhla Gaye
Hasrate In Guncho Pe Hai Jo Bin Khile Murjha Gaye ●○

Plzzzz > Continue reading next post insha ALLAH........

WAQIYA E KARBALA POST NO, (26)> HAZRAT ALI AKBAR RADIYALLAHU TA'AALA ANHU.

WAQIYA E KARBALA POST NO, (26)> HAZRAT ALI AKBAR RADIYALLAHU TA'AALA ANHU.


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Ab Imam Ke Samne Aap Ke Noore Nazar Hazrath Ali Akbar Hazir Hain. Aur Maidane Jang Ki Ijazat Talab Kar Rahe Hain.
Allahu Akbar..!!!
Ajeeb Waqt Hai Ke Chahita Beta Shafiqe Baap Se Sar Katane Ki Ijazat Talab Kar Raha Hai..

•● Agar Tu Sahebe Aulaad Hoga
Tujhe Aulad Ka Gham Yaad Hoga ●•

Dar Haqiqat Hazrath Imam Ke Liye Bade Imtehan Ka Waqt Tha. 18 Baras Ka Jawan Beta Budhape Ka Sahara Peeri Ka Aasa. Ijazat De To Kis Qalb-O- Jigar Se ????
Aur Nahi Ijazat Dete To Gulshane Risalat Ka Gul Shaadaab Rang -O- Gham Se Kamlaya Jata Hai. Kyunke Is Aarzu Mand Shaha'Dat Ko Shouqe Jihaad Me Is Qadar Warafta Bana Diya Tha. Ke Agar Hazrath Imam Inko Maidane Jang Me Jane Se Rok Dete To Sadmaat Se Inke Sine Me Shishaye Dil Paash Paash Hojata. Chaar -O- Naachaar Hazrath Imam Ku Ijazat Deni Hi Padhi...

Hazrath Ali Akbar Ka Laqab "Shabi-E- Payamber" Hai. Yani Inki Shakal -O- Surat Chehre Ka Naqsha Hubahu Jamale Mustafa (ﷺ)  Ka Aaina Tha. Hazraat Sahaba -E- Keraam (RadiyAllahu Ta'Aala Anhum) Ko Jab Deedare Muhammadi Ka Shouq Be-Taab Karta Tha To Door Door Se Safar Karke Madine Munawwara Aate The.  Aur Ali Akbar Ke Chehre Anwar Ka Jamal Dekhkar Inke Dilo Ko Tasalli Hasil Ho Jati Thi...
Ye Noor Ka Paikar Aur Tanveere Mustafa Ka Mar'Qa Jiske Jamale Surat Per Hazaro Ronayiya Tasadduq Aur Jis Ke Qadmo Per Noujawani Ki Lakho Baharen Qurbaan Ho Rahi The. Jis Waqt Maidane Jang Ka Irada Karke Rawana Hone Lage To Hazrath Imam Kheema Ke Andaar Tashreef Le Gaye. Aur Tabarrukaat Ka Sandooq Khool Kar Behtareen Tabarrukaat Jo Mahfooz The Nikal Kar Laaye.
Aur Uruse Shaha'Dat Ki Goad Me Qiyamat Tak Sone Wale Dulha Ko In Muqaddas Tabarrukaat Se Aarasta Farma Diya  Aur Apne Shahzada Ali Akbar Ko Is Shaan Se Maidan Me Bheja Ke..

●• Quba -E- Rahmate Aalam Pehnayi Jisme Athar Per
Shahe Khaibar Ke Patke Se Kamar Baandhi Gayi Kas Kar •●

●• Sare Anwar Pe Rakha Khud, Apni Zarrah Pehnayi
Badhayi Joshane -O- Chaar Aaina Se Shaane Ronayi •●

●• Saja -E- Dast -O- Bazu -O- Neza -O- Shamsheer -O- Khanjar Se
Dua Mangi Utha Kar Daste Rahmat Rabbe Akbar Se •●

●• Ilahi Ye Mera LaKhte Jigar Hai Raahate Jaa(N) Hai
Ye Teri Rah Me 100 Jaa(N) Se Ab Hone Ko Qurbaan Hai •●

●• Khudawande Jaha(N) !!! Maqbool Farma Meri Qurbani
Ata Kar Sabr Isko Jab Ho Isper Teer Baaraani •●

●• Duaa'E De Kaha Noore Nazar !! Jao Khuda Hafiz
Rahe Haq Me Adu Se Jang Farma'O !! Khuda Hafiz •●

Gharz Muqaddas Baap Ki Pyari Pyari Duaa'O Se Daman Bhar Kar Ye Asadullahi Sher Maidan Me Aaya. Aur Zulfiqare Haidari Chamka Ker Mujahidana Lahje Me Rijz Ka Ye Sher Padha...


●• Ana Aliyubni Husainubni Ali
Nahnu Ahlal Baiti Aula Bin'Nabi •●

Yani Giroh Ashqiya !! Tum Muje Jaan Lo Aur Pehchan Lo Ke Mera Naam Ali Akbar Hai. Aur Me Imam Hussain Ka Beta Hon..Aur Imam Hussain Faatihe Khibar Ali Haidar Ke Noore Nazar Hain.. Aur Yaad RakhLo Ke Ham "Ahle-Bait" Hain.
Aur Sunlo Ke Is Aasman Ke Neeche Khuda Is Zameen Ke Uper Khuda Ke Nabi Ka Ham Se Zyada Qaribi Rishtedaar Koyi Nahi Hai.

Shahzade Ne Jis Waqt Ye Rijz Padhi ...To App Ki Mujahidana Haibat Se Registane Karbala Ka Zarra Zarra Kaanp Utha. Aur Kore Batin Yazeediyo Ko Jab Shabihe Payember Ali Akbar Ke Chehre Anwar Per Jamale Mustafa Ki Tajalliya Nazar Padhe To Wo Mehwe Hairat Ban Kar Ibne Sa'Ad Se Puchne Lage. Ke Ye Koun Sawar Aagaya???Ke Jiske Husn -O- Jamal Ki Tajalliya Nigaho Ko Khira Kar Rahi Hain.
Ibne Sa'Ad Ne Kaha Ke Ye Imam Husain Ke Farzand Hain. Jo Jamale Surat Me Ham Shakle Mustafa. Aur Jamale Seerat Warise Ali Murtada Hain..

Ye Sun Kar Yazeedi Fouj Me Ek Sannata Cha Gaya. Aur Unke Zameer Ki Aawaz Ne Unhi Jinjhoda Ke .
Allahu Akbar !! Tanweere Mustafa Ki Noorani Tasweer Per Koun Talwar Uthane Ki Jurrat Kar Sakta Hai?? Lekin Yazeed Paleed Ke In'Aam -O- Ikraam Ki Tama Ka Bhoot Unke Saronm Per Sawar Tha Aur Duniya Ki Hirs Ne  Inhi Is Qadar Andha Bana Diya Tha Ke Wo Ahle-Bait Ki Qadar -O- Manzilat Aur Apne Kartoot Ki Shaamat -O- Nuhusat Ko Jante Huwe Bhi Apni Shaqawat Se Baaz Nahi Aaye..
Aur Aale-Rasool Ke Khoon -E- Naahaq Ka Na Mitne Wala Dhabba Apni Peshaniyo Per Laga Kar Dono Jahaa(N) Ki Rusiyahi Me Giraftar Aur Qahre Qahhar -O- Ghazbe Jabbar Ke Sazawar Bane!!!

Bahre Kaif Ali Akbar Ne Aada Ki Safo Ki Samne Khade Ho Kar Ek Nara Mara Aur Farmaya Ke Aye Sitamgaro !!! Agar Tumhe Aale Rassol Ke Khoon Ki Pyaas Hai To Tumme Jo Sabse Zyada Bahaddur Ho , Usko Maidan Me Bhejo , Aur Tum Ko Zoore Baazu -E- Haidar Dekhna Hoto. Mere Samne Aao...... Shahzade Aali Waqar Ki Mujahidana Lalkar Sun Kar Lashkare Ashrar Saham Gaya. Aur Kisi Me Bhi Ye Himmat -O- Jurraat Nahi Huwi Ke Zulfiqare Haidari Ka Saamna Karta Jab Baar Baar Ki Lalkar Ke Bawajood Koyi Khoonkhwar Aage Nahi Bada. To Aapne Fouran Hi Ghoda Khuda Kar Dushmno Ki Safon Per Hamla Kar Diya.. Aur Jis Taraf Rukh Kiya Sitamgaro Ka Aahini Lashkar Kaayi Ki Tarha PPhatta Chala Gaya. Ek Ek Waar Me Kayi Kayi Dev-Paikar Khoon Khwaro Ko Khere Aur Kakdi Ki Tarha Kaat Kar Dal Diya. Kabhi Lashkar Ke Maimana Per Qahre ELaahi Ki Bijli Girayi To Khouf -O- Hiraas Se Dila'Waro Ka Lashkar Zer -O- Zabar Ho Gaya.

Aur Kabhi Palat Kar Fouj Ke Muyassarsa Per Uqaab Ki Tarha Jhapte To Bahaduro Ki Safo Ko Darham Barham Kar Dala. Aur Kabhi Qalbe Lashkar Me Ghota Laga Kar Neza Ki Zarb Aur Talwar Ki Maar Ka Johar Dikhaya To Gardan Kasho Ke Sar_Mosame Khiza(N) Ke Patto Ki Tarha Jhad Kar Girne Lage.
Ek Shor Barpa Ho Gaya... Aur Bade Bade Sorma'O Ke Ausaan Khata Aur Bade Bade Jang'Jo Bahaduro Ki Himmate Shikista Aur Housle Past Ho Gaye. Shere-Haq Ka Hamla Na Tha. Balke Qahre ELahi Ka Ek Azaabe Azeem Tha. Jo Unke Saro Per Barqe Khaa'Tif Ban Kar Musallat Ho Gaya Tha. Har Taraf Kushto Ke Pushte Laga Diye. Aur Karbala Ki Zameen Ko Zalimo Ke Khoon Se Rangeen Bana Dala.
Lekin Teez Dhup Tapta Huwa Registaan Jhulsa Dene Wali Garam Garam Lu Ke Thapede Me Doud Dhoop Aur Hamlo Ki Shiddat Ne Is Mujahide Jaa(N)_Baaz Ko Pyaas Se Beqarar Kar Diya. Chunancha Aap Palat Kar Hazrath Imam Ki Khidmat Me Aaye. Aur Meharbaan Baap Ko Apni Khushkh Zuban Dikhakar Arz Kiya Ke
Abba Jaan  Pyaas Ka Ghalba Hai Magar Yahan Paani Kaha Tha?? Jo Is Tishnaye Shaha'Dat Ko Sairab Kiya Jata...
Shafeeq Baap Ne Apni Angushtari Inaayat Farmayi Aur Kaha Ke Beta !! Isko Muh Me Rakh Lo. Muqaddas Baap Ki Mushaffiqana Tasalli Se Kuch Taskeen Huwi To Phir Razmgah Ka Rukh Kiya. Aur Farmaya Ke Aye  Giroh Ashrar !! Jis Ke Sar Per Mout Sawar Ho Wo Mere Samne Aaye Aur Zulfiqar Ka Maza Chakle. Aapne Kayi Baar Lalkar Kar Mubariz Talab Farmaya. Magar Kisi Bahaddur Ka Qadam Aage Nahi Bada. Aur Aisa Maloom Hota Tha Ke Bhooke Sher Ke Samne Bakriyon Ka Ek Galla Hai Jo Jaan Ke Khouf Se Dam Ba Khud Aur Larza Barandam Hai.

Ye Manzar Dekh Kar Ibne Sa'Ad Ne Tariq Pehalwan Se Kaha. Aye Tariq !! Bade Sharam Ki Baat Hai Ke Ek Akela Hashmi Noujawaan Maidan Me Tum Hazaro Ko Lalkar Raha Hai.. Magar Tumme Koyi Bhi Aisa Ghairatmand Nahi Hai. Jo Iska Muqabla Kare... Aye Tariq !! Agar Tu Aage Badh Kar Is Noujawan Ka Sar Katle To Me Wada Karta Hon Ke Tujhe Abdullah Bin Ziyaad Se Mosal Ki Governari Ka Parwana Dila Dunga.. Duniya Ka Kutta Tariq Governari Ke Lalach Me Farzande Rasool Ka Khoon Bahane Ke Liye Doudh Pada.. Aur Neza Taan Kar Hazrath Ali Akbar Per Qatilana Hamla Kar Diya.. Magar Asadullahi Shuja'At Ke Waris Ne Kamale Hunar Mandi Se Dushman Ke Waar Ko Rad Kar Diya.. Aur Khud Aage Badh Kar Tariq Ke Sine Me Aisa Neza Mara Ke Uski Peet Se Paar Hogaya. Aur Ladh-Khada Kar Ghode Se Gira.. Aur Girte Hi Margaya..
Aur Shahzade Ne Apne Ghode Ki Tap Se Iski Lash Ko Rond Kar Uski HaddiyoKo Bhi Chakna Choor Kar Diya. Tariq Ke Bete Umru Bin Tariq Ne Apne Baap Ko Is Zillat Ke Sath Qatal Hote Dekha To Isper Khoon Sawar Ho Goya. Aur Wo Gusse Me Aag Bagola Ho Kar Jhillaya Huwa Aage Badha. Aur Majnuno Ki Tarha Hazrath Ali Akbar Per Hamla Karne Laga. Magar Aapne Ek Hi Neza Ki Maar Se Usko Bhi Iske Baap Ke Pass Pahoncha Diya.. Tariq Ka Dosra Beta Talha Bin Tariq Baap Aur Bhai Ke Inteqam Lene Ke Liye Shola Jawala Ki Tarha Uchalta Kudta Talwar Lekar Ghode Per Sawar Huwa Aur Hazrath Ali Akbar Per Chadh Daudha Magar Aapne Uska Patka Pakadh Kar Aisa Jhatka Diya Ke Ghode Se Girne Laga. Phir Aapne Usko Is Zoor Se Zameen Per Patka Ke Iska Dam Nikal Gaya. Aur Hazrath Ali Akbar Ki Haibate Haidari Se Yazeedi Lashkar Me Zalzala Aagaya.. Ibne Sa'Ad Ne Gusse Me Aakar Misra Bin Ghalib Ko Hamla Ka Hukm De Diya. Chunancha Wo Nihayat Hi Mutakabbirana Andaz Me Neza Hilata Huwa Aap Ki Taraf Badha Aur Jaise Hi Usne Neza Tana Aapne Neza Per Aisi Talwar Mari Ke Uska Neza Qalam Hogaya. Aur Phir Iske Sar Per Talwar Ka Aylisa War Kiya Ke Uska Sar Do Tukde Ho Kar Zameen Per Gir Padha. Ibne Sa'Ad Ne Jab Ye Dekha Ke Ab Kisi Bahaddur Me Is Shere Haq Ke Muqabla Ki Taab -O- Himmat Nahi Hai To Usne Ek Bahaddur Pahelwan Ko Hukm Diya Ke Wo Ek Hazar Sawaro Ko Sath Le Kar Pehle Inka Muhasira Kare..
Phir Door Se Teero Ki Barish Ki Jaye . Aur Jab Ye Shere Khuda Ka Sher Zakhmi Ho Kar Muzmahal Ho Jaye To Isko Nezo Se Ched Kar Talwar Se Qatal Kar Diya Jaye.

Chunancha Sitamshu'Aron Ne Yek'Baargi Charo Taraf Se Ghera'Dal Kar Teero Ki Barish Shuru Kar Di. Yahan Tak Ke Zakhmo Se Chakna Choor Ho Kar Chamane Fatimah Ka Ghuncha-E- Hussain Apne Khoon Me Naha Kar Rangeen Ho Gaya..
Aur Ibne Numair Ne Aap Ke Sina-E- Anwar Per Aisa Neza Mara Ke Aap Ghode Ki Zain Se Zameen Per Tashreef Laye..
Aur Shafeeq Baap Ko Pukara Ke Abba Jaan !! Apne Noore Nazar Ko Sambhaliye Shahzade Ki Pukar Per Hazrath Imam  Be-Taabaana Ghoda Doudha Kar Maidan Me Pahonche Aur Aap Ko Utha Kar Kheema Me Laye.. Aur Shabiya Payambar Ke Cehre Anwar Se Khoon Aalood Ghubar Apne Damane Athar Se Saaf Karne Lage. Itne Me Ali Akbar Ne Aankhe Khol Di Aur Aakhri Baar Hazrath Imam Ka Deedar Karke Hamesha Ke Liye Aankhen Band Kar Liye. Aur Bihishte Bareen Ko Rawana Ho Gaye..

♢♢ إِنَّا لِلّهِ وَإِنَّـا إِلَيْهِ رَاجِعونَ ♢♢

Hazrath Imam Ne Ba-Didaye Tar Lakhte Jigar Ki Lash Ko Farshe Zameen Per Lita Kar Zabane Haal Se Ye Farmaya...

•● Jab Khak Per Lita Chuke Lashe Pisar Imam
Taa'Der Roye Phir Ye Zameen Se Kya Kalam ●•

•● Me Ibne Bu-Turaab Hon Mazloom -O- Tishna Kaam
Aur Hai Ye Mera Lakhte Jigar Badre Lalafaam ●•

•● EezaNa Dijiyo Ke Mera Gule Zaar Hai
Barchi Ke Phal Se Iska Kaleja Figaar Hai ●•

•● Hasrat Zadah Jahan Se Utha Hai Ye Mah-Jabeen
Sun Sun Ke Iska Waqi'A Royege Momineen ●•

•● Tagho Se Paash Paash Hai Sab Jism Nazneen
Rakh Isko Ahtiyaat Se Daman Me Ae Zameen ●•

•● 18 Saal Ki Hai Ye Doulat Husain Ki
Ab Hai Tere Supurd Amanat Husain Ki ●•

Plzzzzz continue reading next post insha ALLAH........

WAQIYA E KARBALA POST NO,(25) >HAZRATH ABBAS BIN ALI

WAQIYA E KARBALA POST NO,(25) >HAZRATH ABBAS BIN ALI


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Ab Wo Waqt Aagaya Ke Asadullah Ghalib Hazrath Ali Bin Abi Taalib (RadiyAlalhu Ta'Aala Anhu) Ke Farzande Arjuman Janab Abbas Alamdaar Hazrath Imam Se Maidane Kaarezaar Ki Ijazat Talab Kar Rahe Hain. Aur Arz Karte Hain Ke
Bhaiyijaan !!!!! Sab Bhaiyo(N) , Bhatijo(N), Bhanjo(N) Ne Bhooke Pyase Jaame Shahadat Noosh Kar Liya.Lekin Ab Nanhe Nanhe Bachcho(N) Ka Pyaas Se TadapNa Aur Unka BilakNa Mujh Se Nahi Dekha Jata..Lillah Ab Mujhe Ijazat Dijiye Ke Me Apni Jaan Per Khel Kar Ek Mashq Paani Lao. Aur In Pyaso(N) Ko Sairab Karo....
Hazrath Imam Zaar Zaar Rone Lage. Aur Farmaya Ke Bhai Abbas Mere Alamdar Tumhi Ho. Ab Tumhi Batao Ke Tumhare Baad Mera Alam Koun Utayega??
Aur Mere Qalbe Majruh Per Marham Koun Lagayega??
Hazrath Abbas Ne Rote Huwe Arz Kiya Ke Aye Ibne RasoolAllah!! Meri Jaan Aap Per Qurbaan Khuda Ki Qasam Ab Zindagi Me Koyi Maza Baqi Nahi . Raha Ye Sar Gardan Per Ek Baare Gira(N) Maloom Hota Hai... Aur Me Duniya Se Bilkul Tang Aa Chuka Hon. Bas Ab Meri Aakhri Tamanna Yahi Ke
Saqi-E- Kousar Ke Dularon Ko Chand Ghont Darya-E- Faraat Ka Paani Pila Kar Me Bhi Jald Se Jald Bhaiyo(N) Aur Bhatijo(N) Ke Paas Pahonch Jao.
Hazrath Abbas Ke Israar Se Majboor Ho Kar Hazrath Imam Ne Ijazat Dedi.

Janab Abbas Bahot Taqatwar Aur Bahaddur Aur Intehayi Tajrube-Kaar Shah-Sawar The.. Aur Kyun Na Ho?? Ke Aap HaidarE Karraar Ki Quwatte Baazu Ke Warise Naamdaar The. Jis Waqt Aap Ek Mashq Khande Per Latka Kar Ghode Per Sawar Huwe Aur Misri Talwar Chamkate Huwe Razam Gah Me Tashreef Laye. To Sar Zameene Karbala Ka Zarra Zarra Pukaar Utha Ke ...

•● Kis Sher Ki Aamad Hai Ke Ran Kaanp Raha Hai
Ran Ek Taraf Charkhe Kuhan Kanp Raha Hai......

•● Rustum Ka Badan Zere Kafan Kaanp Raha Hai
Har Qasre Salateene Zaman Kaanp Raha Hai.......

•● Shamsheer Bakaf Dekh Ke Haidar Ke Pisar Ko
Jibreel Utar Aaye Samete Huwe Par Ko......

•● Kya Shaan Hai ? Allah_Re Ziyae Rukhe Anwar
Kya Noor Hai Jis Noor Se Dhale(N) The Munawwar.......

•● Bas Damane Sehra Pe Giri Noor Ki Chadar
Jin Aankhe Bichane Lage Har Ek Qadam Per........

•● Dikhlayi Jawani Ki Chalan Jab Kabhi Ruk Kar
Sinah Se Lagaya Falke Pair Ne Jhuk Kar.......

Maidan Me Aakar Aap Ne Apni Garajdaar Aawaz Se Farmaya... Ke Aye Kufiyane Bewafa,Aye Shamiyane Purdagha , Tum Logo Ne Jigar Gosha -E- Rasool-O- Farzande Batool Ko 150 Arziya Bhej Kar Mehman Bulaya.. Aur Jab Wo Muqaddas Mehman Safar Ki Mushqate Bardasht Karke Tumhari Zameen Me Rounakh Afroz Huwa To..

•● Musafiro(N) Ko Na Di Ek Bund Paani Ki
Bula Ke Gahr Main Gharz Khoob Mehmani Ki ●•

Aye Zalimo !! Me Ab Bhi Kehta Hon Ke Tum Log Hazrath Imam Ke Khoone Naa-Haq Se Baaz Aajao. Aur Saaqi-E- Kousar Ke Pyare Bachcho Ko Is Tarha Pyaas Se Na TadPao. Tum Log Nawasa-E- Rasool Aur Gulshane Fatimah Ke Sabse Nanhe Aur Nazuk Phool Yani Ali Asgar Ki Pyas Per Raham Khao. Ke Wo Noor Ki Surat Aur Husn -O- Jamaal Ka Narm -O- Nazuk Paikar Pyaas Ki Shiddat Se Tadap Tadap Kar Bhooki Pyasi Maa Ki Goad Me Dam Tod Raha Hai. Kam-Az-Kam Itna Paani To Dedo Ke Gulshane Nabuwat Ka Ye Nanha Pauda To Serab Ho Jaye......

Be-Raham Kufiyo(N) Aur Shamiyo(N) Ke Sino Me Dil Ki Jagah Shayad Patthar Ka Koyi Tukda Tha. Ke Janab Abbas Ki Taqreer Sun Kar Zara Bhi Unhe Raham Nahi Aaya. Balke Ibne Sa'Ad Aur Shimar-O-Shees Chilla Chilla Kar Kehne Lage Ke..
Aye Abbas !!!! Jab Tak Husain Bin Ali Yazeed Ki Bait Na Krenge..Khuda Ki Khasam Ham Hargiz Hargiz Inke Kheeme Me Paani Ki Ek Boond Bhi Nahi Jane Denge. Balke Isi Tarha Ahle-Bait Ke Ek Ek Bachche Ko Bhooka Pyasa Zabah Kar Dalenge.
Hazrath Abbas Dushmano Ka Ye Zalimana Jawab Sun Kar Joshe Jihaad Me Be-Khud Ho Gaye. Aur Ghoda Chamka Kar Bijli Ki Tarha Khanjar-E- Aabdaar Aur Chamakti Talwar Dhuwaa(N) Dhaar Chalate Huwe Aur Giroh Ashqiya Ko Mout Ki Aaghosh Me Sulate Huwe Aage Badhe. Ibne Sa'Ad Ne Jab Aapko Aate Dekha To Ghabra Kar Chillane Laga Ke Khabardaar !! Mere Sipahiyo !! Bahot Hi Chaakh-O- Chouband Aur Hoshiyar Rehna Isliye Ke

•● Aata Hai Khabardaar !! Ab Abbas Alamdar
Nagah Zameene Ran Ki Huwi Matla'Ae Anwar●•

•● Har Char Taraf Se Ye Utha Ghalghala Ek Baar
Hoshiyar Khabardaar, Khabardaar, Khabardaar.......

•● Ae_Salle'Alaa Kya Pisare Shere Khuda Hai
Ye Shere Khuda Gar Nahi Shamsheere Khuda Hai......

•●Sehra Huwa Pur Noor Zahe Tal'Ate Abbas
Larza Hai Dilero(N) Me Zahe Haibate Abbas

•●Milta Hai Maza Dilko Zahe Surate Abbas
Kya Husn Hai Kya Jah ? Zahe Shoukate Abbas

•●Bazu-E- Husain Aata Hai Shamsheere Zani Ko
Ya Shere Khuda Aate Hain Khaibar Shikni Ko

Algharaz Abbas Alamdar Apne Saba Raftar Ghode Per Sawar Ho Kar Dushamanaane Sitam-Shu'Aar Ki Safo(N) Ke Samne Sina Taan Kar Mujahidaana Shaan Ke Sath Khade Ho Gaye Aur Neza Hila Hila Kar Farmane Lage Ke..

!!.....!!.....!!.....!!.....!!.....!!.....!!!!.....!!.....!!.....!!.....!!

Aada Ko Suna Kar Kaha Koun Aata Hai Dekhe
Neze Ko Hila Kar Kaha , Koun Aata Hai Dekhe

!!.....!!.....!!.....!!.....!!.....!!.....!!!!.....!!.....!!.....!!.....!!

Teero(N) Ko Hila Kar Kaha , Koun Aata Hai Dekhe
Shamsheer Dikha Kar Kaha , Koun Aata Hai Dekhe

!!.....!!.....!!.....!!.....!!.....!!.....!!!!.....!!.....!!.....!!.....!!

Ham Sher Hain , Ham Ko Koyi Lalkar SakeGa
Talware(N) To Kaisi ? Koyi Dam Maar SakeGa

!!.....!!.....!!.....!!.....!!.....!!.....!!!!.....!!.....!!.....!!.....!!

Haan Mujh Ko Rakho Yaad , Me Haidar Ka Pisar Hon
Aur Baghe Nabuwwat Ke Shajar Ka Me Samar Hon

!!.....!!.....!!.....!!.....!!.....!!.....!!!!.....!!.....!!.....!!.....!!

Me Deeda-E- Himmat Ke Liye Noore Nazar Hon
Pyasa Hon Magar Saaqi-E- Kousar Ka Pisar Hon

!!.....!!.....!!.....!!.....!!.....!!.....!!!!.....!!.....!!.....!!.....!!

WAllah !! Meri Zarbe Tamacha Hai Bala Ka
Dil'Band Hon Me Shere Khuda Shere Huda Ka

!!.....!!.....!!.....!!.....!!.....!!.....!!!!.....!!.....!!.....!!.....!!

Hoshiyar Ho !! Me Fatehe Khaibar Ka Pisar Hoon
Saqaaye Haram Saaqi-E- Kousar Ka Pisar Hon

!!.....!!.....!!.....!!.....!!.....!!.....!!!!.....!!.....!!.....!!.....!!

Me Shere Khuda Qatile Gastar Ka Pisar Hon
Abbas Mera Naam Hai Haidar Ka Pisar Hon

!!.....!!.....!!.....!!.....!!.....!!.....!!.....!!.....!!.....!!.....!!

Pani Ke Liye Aata Hon Tum Rok To Dekho
Shero(N) Ki Ladayi Hai Zara Tok To Dekho

!!.....!!.....!!......!!.....!!.....!!.....!!.....!!......!!.....!!......!!

Hazrath Abbas Ne Ye Kaha Aur Ghoda Doudha Kar Dushmano Ki Saffo Ko Cheerte Phadhte Huwe Is Zoor Shoor Se Aage Badhe Ke Gird -O- Ghubaar Ke Badal Me Yazeedi Lashkar Ka Dil Ba-Dil Darham Barham Ho Gaya. Aur Bawajood Ye Ke Dushmanaan Kore Batin Charkhe Shuja'At Ke Is Roshan Sitare Ko Charo Taraf Se Badalo Ki Tarha Gher Kar Neza -O- Talwar Ka Minah Barsa Rahe The. Magar Phir Bhi Ye Haidare Karrar Ki Goad Ka Pala Shah Sawar Kayi Hazaar Piyada -O- Sawar Ko Maarte Kaatte Huwe Daryaye Faraat Ke Kinare Pahonch Gaya.
Aur Maskq Ko Paani Se Bhar Liya. Is Zabardast Hamla Aawar Maar Dhsar Ki Wajah Se Aap Per Be-Inteha Pyaas Ka Ghalba Ho Gaya. Chunancha Shiddate Tishnagi Se Betab Ho Kar Aap Ne Chullu Bhar Pani Hath Me Le Kar Chaha Ke Pi Le Take Taza Dam Ho Kar Ada Se Ladhte Huwe Paani Ki Maskq Kheeima Ahle Bait Me Pahonchade. Magar Jo Hi Paani Muh Ke Qareeb Le Gaye Aabid Beemar Aur Ali Asgar Sheer Khawar Ki Pyas Yaad Aagayi..
Aap Ki Ghairate Imaani Ne Ye Qubool Nahi Kiya Ke Saaqi-E- Kousar Ke Bete To Pyaas Se Tadapte Rahe Aur Me Paani Se Serab Ho Jao.
Chunancha, Fouran Hi Aapne Chullu Ka Paani Penk Diya. Aur Farmaya Ke
Aye Darya-E- Faraat !! Gawah Rehna Ke Tera Ek Ek Qatra Us Waqt Tak Mujh Per Haram Hai. Jab Tak Ke Me Saaqi-E-Kousar Ke Dularo Ko Bhar Bhar Pet Paani Na Pila'O Ye Kaha Aur Mashk Ko Dahne Kaandhe Per Latka Kar Kheema Ki Taraf Ghoda Doudhaya.
Ibne Sa'Ad Ne Apne Lashkar Ko Lalkar Kar Kaha !! Ke Khabardaar !! Hoshiyaar !! Agar Ye Mashk Kheema Ahle Bait Me Pahonch Gayi Aur Shere Khuda Ke Shero Ko Paani Mil Gaya To Tum Me Se Koi Bhi Aisa Na Rahega Jiske Bachche Yateem Aur Jiski Biwiya Bewa Na Ho Jayen.
Ye Sunte Hi Sipah Sham Ne Abbas Tishna Kaam Ka Charon Taraf Se Muhasira Kar Liya. Aur Teer -O- Talwar Ki Barish Karne Lage.

Yahan Tak Ke Noufil Mardood Ne Piche Se Dhoka De Kar Aisi Talwar Chalayi Ke Aap Ka Dahna Bazu Shaheed Ho Gaya.
Aur Aap Ne Jhapat Kar Baaye Kaandhe Per Mashk Latkayi.
Phir Kisi Sitam Shu'Aar Ne Aisi Talwar Mari Ke Aap Ka Baayaa(N) Bazu Bhi Kat Kar Door Zameen Per Jalwagar Huwa. Jab Dono Bazu Kat Gaye To Aapne Jhuk Kar Mashk Ko Daato(N) Se Pakad Liya Aur Ghode Ki RAQaab Se Dushmano Ko Thokar Maarte Huwe Kheeme Ki Taraf Badhte Chale Ja Rahe The
Ke Naagha Kisi Zalim Ne Aisa Taak Kar Maskh Per Teer Mara Ke Mashk Me Suraakh Ho Gaya.
Aur Paani Girne Laga Yahan Tak Ke Aap Jab Kheema Ke Paas Pahonche To Mashk Me Ek Qatra Bhi Paani Nahi Tha. Aur Jism Zakhmo Se Chilni Ho Chuka Tha.
Nidhaal Ho Kar Ghode Ki Zain Se Zameen Per JalwaGar Huwe Aur Aakhri Waqt Me Ye Keh Kar Hazrath Imam Ko Pukara Ke
Aye Bhaijaan !!! Apne Bhai Ki Khabar Li Jiye ..... Hazrath Imam Is Aawaz Per Be-Taabaana Doudh Kar Pahonche To Dekha ??? Ke Abbas Alamdar Khoon Me Nahaye Huwe Baheshte Baree(N) Ka Sur'Khuru Sitara Banne Ke Liye Tayyar Hain. Hazrath Imam Ne Is Zor Se Aah Khinchi Ke Karbala Ki Zameen Shidate Gham Se Dahel Gayi.
Aur Aap Ko Apne Aaghoshe Rahmat Me Utha Kar Kheema Athar Me Laye....
Aur Zabaane Mubarak Per Gam Me Dube Huwe Ye Kalimaat The.......

Ab Meri Kamar Toot Gayi Aur Mera Sahara Koi Na Raha....

Phir Aap Rote Huwe Hazrath Abbas Ke Khoon Aaluda Cehre Per Apna Muh Rakh Kar Aye Bhai . Aye Bhai Keh Kar Pukarne Lage.....

○•••••••○•••••••○•••••••○••••••○••••••○••••••○••••••○
Chillaye Girke Laash Pe Sha'Bire Naam_Dar
Bhai Tumhari Nargisi Aankho Pe Me Nisar

○•••••••○••••••○••••••○••••••○•••••○••••••○••••••••○

Is Narge Me Bhi Tha Tumhi Bhai Ka Intezar
Aankhe Phira Ke Dhondte Ho Mujh Ko Baar Baar

○•••••••○••••••○••••••○••••••○•••••○••••••○•••••••○

Shayad Zaban Hai Band Jo Lab Kholte Nahi
Rote Huwe Ham Aaye To Ab Bolte Nah

○•••••••○••••••○••••••○••••••○•••••○••••••○•••••••○

Be-Taab Hai Husain ' Ab Bira'Dar Jawab Do
Ae Mere Nou'Jawa(N) , Mere Safdar Jawab Do

○•••••••○••••••○••••••○••••••○•••••○••••••○•••••••○

Ab Jaa(N) Balb Hai Salabte Payamber Jawab Do
Ae Noore Chashm Saaqi-E- Kousar Jawab Do

○•••••••○••••••○••••••○••••••○•••••○••••••○•••••••○

Luknat Zabane Khush Ko Hai Tishna Kaam Hain
Bhai Tumhare Sar Ki Qasam ! Ham Tamaam Hain

○•••••••○••••••○••••••○••••••○•••••○••••••○•••••••○

Ye Baat Sun Ke Naz'A Me Abbas Thar Tha'Raaye
Qatre Lahu Ke Ankho Se Aariz Pe Beh Ke Aaye

○•••••••○••••••○••••••○••••••○•••••○••••••○•••••••○

Do Baar Sar-Patak Ke Pukare Ke Haye Haye
Pur Khoo(N) Dahan Husain Ke Qadmo(N) Ke Pass Laye

○•••••••○••••••○••••••○••••••○••••••○•••••○•••••••○

Hichki Ke Sath Mout Ka Khanjar Bhi Chal Gaya
Sar Pao(N) Per Dhara Raha Aur Dam Nikal Gaya

○•••••••○••••••○••••••○••••••○•••••○••••••○•••••••○

♢ إِنَّا لِلّهِ وَإِنَّـا إِلَيْهِ رَاجِعونَ ♢


Isi Tarha Hazrath Abbas Ke Dosre Bhai Yani Usman Bin Ali Aur Abdullah Bin Ali
Aur Muhammad Bin Ali  Aur Jaa'Far Bin Ali Sab Ek Ke Baad Digare Nihayat Hi Joshe Jihaad Ke Sath Ladhte Huwe Rahe Haq Me Apna Gala Kata Kar Shaheed Ho Gaye..

¤ RadiyAllahu Ta'Aala Anhum Ajmaeen ¤

Plzzzzzz > continue reading next post insha ALLAH.........

WAQIYA E KARBALA >POST NO. (24) HAZRATH QASIM

WAQIYA E KARBALA >POST NO. (24) HAZRATH QASIM


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Aapne Janab Qasim Bin Hasan Ka Naam Nami Suna Hoga. Ye Ahle-Bait Ke Bahot Se Jawano Ki Shahadat Ke Baad Hazrath Imam Se Jang Ki Ijazat Talab Karne Ke Liye Harzir Huwe Hain..Ye Hazrath Imam Ke Haqiqi Bhatije Yani Hazrat Hasan Mujtaba (RadiyAllahu Ta'Aala Anhu) Ke Farzande Anjuman Aur Hazrath Imam Aali Maqam Ki Dukhtare Nek Akthar Bibi Sakina Se Inki Nisbat Bhi Tay Ho Chuki Hai..
Chota Sa Qad Noujawani Ka Aalam Sabza Aaghaaz Ek Paikare Husn -O- Jamal Hai. Jo Hazrath Imam Se Gardan Katane Ki Ijazat Talab Kar Raha Hai. Imam Aali Maqam Ne Mohabbat Bhari Nazro Se Bhatije Aur Hone Wale Damaad Ko Ek Nigah Bhar Kar Dekha. Qalb Me Ek Thes Lagi Aur Dil Ke Jazbat Ansu Ban Kar Palko Per Namudaar Ho Gaye...
Farmaya Ke Beta Qasim Tum Mere Marhoom Bhai Ki Nishani Aur Yaadgaar Ho. Bhai Marhom Mujhe Daghe Mufariqat De Gaye. Ab Unki Yaad Aane Per Tumhi Ko Dekh Kar Me Tasalli Hasil Karta Hon. Bhala Mujhe Kab Aur Kis Tarha Gawara Ho Sakta Hai?? Ke Tum Mere Samne Khak -O- Khoon Me Tadapte Huwe Gala Katao.  Aur Me Dekhta Rahoon.Beta !!! Me Is Sadmaye Jaankah Ko Bardasht Karne Ki Taab-O-Taaqat Nahi Rakhta. Isliye Me Tumhe Jang Me Jane Ki Ijazat Nahi De Sakta..

Lekin Janab Qasim Ki Beqarari Aur Girya -O- Zari Dekh Kar Aur Unke Israr Se Majboor Ho Kar Bil-Aakhir Hazrath Imam Ne Unhe Maidane Jang Me Jaane Ki Ijazat Dedi. Hazrath Qasim Shouq-E-Shahadat Me Is Qadar Warafta The Ke Ijazat Pate Hi Khushi Se Uchal Pade Aur Jaldi Jaldi Jangi Libas Pehan Kar Aur Hatyaro Se Musallah Ho Kar Pehle Kheeime Me Tashreef Le Gaye. Aur Sab Ahle-Kheema Ko Aakhri Salam Karke. Hazrath Imam Ki Khidmat Me Hazir Ho Gaye. Mamta Ki Mari Maa Jaan Chidakne Wali Phupi Aur Dulhan Banne Ki Aas Lagane Wali Mangetar Bibi Sakina Ne Duniya Se Safar Karne Wale Musafir Ka Akhri Didar Kiya Aur Josh -E- Gham Se Sab Ki Aankhe Askh Baar Ho Gaye. Ke Ab Chand Minto Me Ye Noor Ki Tasweer Khak -O- Khoon Me Mil Jane Wali Hai.

Jab Imam Aali Maqam Ko Aakhri Salam Karke Rawana Hone Lage To Hazrath Imam Ne Aage Badh Kar Nihayat Garam Joshi Ke Sath Bhatije Ko Apne Sine Se Laga Liya Aur Duwaye De Kar Widah Farmaya. Janab Qasim Hazrath Imam Se Rukhsat Ho Kar Joshe Jihad Me Bhare Huwe Ghoda Douda Kar AshQiya Ki Safo Ke Samne Pahonch Gaye. Aur Rijz Ke Chand Ash'Ar Padh Kar Farmaya Ke

Ae_Yazidiyo !!!! Ab Jis Ke Sar Per Mout Sawar Ho Wo Mere Samne Aaye
Aur Meri Shamshire Aabdaar Ki Asadullahi Maar Se Apne Khoon Me Nahaye.


Shahzade Ki Is Hashmi Lalkar Se Girohe Ashqiya Per Aisi Haibat Sawar Ho Gayi .. Ke Bawajood Baar Baar Ki Pukar Aur Lalkar Ke Kisi Me Ye Jurraat -O- Himmat Nahi Huwi, Ke Aap Ke Samne Aata.
Ibne Sa'Ad Ne Jab Ye Dekha Ke Yazeedi Lashkar Me Se Koyi Bhi Hazrath Qasim Ke Muqabla Ke Liye Nahi Nikalta. To Usne Az'RaQ Shami Sipah-Salar Ko Pukara , Jo Yazeed Ki Taraf Se Salana 10,000 Dinaar Tankhwa Pata Tha.
Jab Az'Raq Shami Ibne Sa'Ad Ke Pass Pahoncha..To Ibne Sa'Ad Ne Kaha Ke ..

Aye Az'Raq !!! Dekh Ye Badi Der Se Ye Noujawan Muqabla Ki Dawat De Raha Hai. Magar Hamare Lashkar Me Se Kisi Ki Bhi Ye Jurraat Nahi Hoti Ke Iske Challenge Ka Jawab De Sake. Isliye Ab Me Tujh Ko Hukm Deta Hon Ke To 1,000 Sawar Le Kar Iske Muqabla Ke Liye Maidan Me Nikal Padh. Az'Raq Ne Ghazabnaak Ho Kar Kaha.
Aye Ibne Sa'Ad - !! Tujhe Sharam Nahi Aati?? Ke Tujh Jaise Naamigirami Pehalwan Ko Jiski Haibat Se Misr -O- Shaam Ki Zameen Dahal Rahi Ho, Ek Aise Kamseen Ladke Se Ladhne Ke Liye Bhej Raha Hai.. Jiske Muh Se Maa Ki Dudh Ki Boo Aarahi Hai..
Aye Ibne Sa'Ad !!! Sara Misr -O- Shaam Jaanta Hai Ke Me Akela Ek Hazar Bahadurane Naamdar Ka Maqabla Karta Hon.. Ke Aaj Me Ek Bachche Ke Muqabla Me Jaa Kar Apni Naak Kata Do??
Agar Mene Is Bachche Ko Qatal Kar Diya .. Jab Bhi Me Badnaam Ho Jaonga..
Ke Mene Ek Bachche Se Jang Ki.. Khuda Ki Qasam !! Agar Tu Mere Jism Ke Purze Purze Udha Dega Jab Bhi Me Ek Bachche Ke Khoon Se Apni Talwar Ko Aaluda Nahi Karoga...

Ibne Sa'Ad Ne Kaha... Ke Aye Az'Raq ! Are Tu Kis Ghamand Me Hai??? Tu Inki Kamsini Aur Nazuk Badni Ko Mat Dekh.. Afsoos!! Tu Inhe Pehchanta Nahi Ke Ye Koun Hain???
Are Ye Sher Dil Hazrath Imam Hasan Mujtaba Ke Farzande Arjuman Aur Fateh Khaibar Ali Haidar Ke Pote Hain..
Khuda Ki Qasam Agar Ye Bhooke Pyase Na Hote To.. Ye Akele Hi Qehre Elaahi Ki Bijli Ban Kar Hamare Pure Lashkar Ke Hurmane Zindagi Ko Khakstar Bana Dalte..
Jab Ibne Sa'Ad Ne Lagatar Israr Se Az'Raq Shaami Ko Majboor Kar Diya To Usne Kahe Ke..
Aye Ibne Sa'Ad !! Khwah Kuch Bhi Hojaye... Magar Me Is Bachche Se To Nahi Ladunga.. Teri Khwahish Hai To Is Jang Me Mere 4 Farzand Moujood Hain.Jo Shuja'At -O- Dilawari Me Sohra -E- Aafaaq Hain.. Me Inme Se Ek Ko Bhej Deta Hon... Wo Chand Minto Me Iska Sar Kaat Kar Le Aayega.

Chunanche Az'Raq Ka Ek Beta Saba Raftar Ghode Per Sawar Ho Kar Apni Qeemti Talwar Chamkata Huwa Aur Badal Ki Tarha Garjta Aur Durrata Huwa Maidan Me Nikla. Hazrath Qasim Ne Isko Aata Dekh Kar Nihayat Be-Khoufi Ke Sath Ye Farmaya Ke Afsoos!!

Tere Baap Ko Tujh Per Raham Nahi Aaya??? Ke Tujh Ko Meri Talwar Luqma Banne Ke Liye Miadan Me Bhej Diya??? Achcha Aage Badh .. Chunancha Jaise Hi Wo Hamle Ke Liye Aage Badha Hazrath Qasim Ne Apna Khanjar Uske Shikam Me Bhonk Diya. Aur Wo Is Zakhm Ki Taab Na La Kar Ghode Ki Zain Se Zameen Per Gir Padha.
Phir Aapne Nihayat Hi Furti Aur Chabuk Dasti Ke Sath Jhapat Kar Uski Talwar Cheen Li.. Aur Uske Lambe Lambe Balo Ko Pakad Par Jo Ghoda Doudhaya To Wo GhaseetTe GhaeetTe Mar Gaya.
Phir Aapne Uski Lash Ko Ghode Ki Tapon Se Rond Kar Uske Haddiyo Ko Bhi Chakna Choor Kar Diya..
Az'Raq Ka Dosra Beta Apne Bhai Ko Is Tarha Qatal Hota Dekh Kar Aape Se Baher Ho Gaya. Aur Diwanawaar Aage Badh Kar Ek Dam Janab Qasim Per Qatilana Hamla Kar Diya ..

Hazrath Qasim Ne Mudh Kar Aisa Panitra Badla Ke Dushman Ka War Khali Gaya.. Aur Aapne Palat Kar Uske Pehlu Me Aisa Neza Mara Ke Idhar Se Udhar Paar Ho Gaya. Aur Wo Wahi Ghode Se Gir Kar Zameen Per Dher Hogaya..
Phir Az'Raq Ka Teesra Beta Hamla Ke Liye Jhapta..To Aapne Isko Bhi Ek Neza Maar Kar Halaak Kar Diya..
Ab Az'Raq Ka Coutha Beta Apne 3no Bhaiyo Ka Inteqam Lene Ke Liye Pagalo Ki Tarha Talwar Ghumata Huwa Doudh Pada. Aur Muh Me Jhaag Bhar Kar Galiya Dene Laga..


Hazrath Qasim Ne Farmaya Ke
Bad-Lagam !! Hosh Me Aa.. Auraton Ki Tarha Galiya Aur Kosne Dena Mardo Ki Shan Nahi Hai. Agar Jurraat Hai To Aage Badh Kar Hamla Kar. Wo Kehne Laga Ke Qasim!!
Tumne Mere Teen(3) Bhaiyo Ko Qatal Kar Diya.. Khuda Ki Qasam Jab Tak Me Tumhe Qatal Karke Apne Bhai Ka Badla Na Lunga Mujhe Qaraar Naseeb Nahi Ho Sakta.
Hazrath Qasim Ne Has Kar Farmaya...Ke Mat Ghabra Me Tujhe Qaraar Dene Aur Tujh Ko Tere Bhaiyo Ke Paas Pahoncha Dene Ke Liye Tayyar Hoon...
Ye Kaha Aur Talwar Ka Ek Aisa Bhar Poor Jancha'Tula Hath Mara To Maghroor Ka Sidha Hath Kat Kar Door Ja Pada.. Aur Wo Jaan Bacha Kar Bhag Nilkla.. Aapne Lalkarte Huwe Iska Ta'Aqub Farmaya..
Magar Wo Apni Lashkar Me Jaa Ghusa. Aur Zakhm Ki Taab Na La Kar Ghode Se Gir Pada Aur Mar Gaya..

Az'Raq Apne 4 Honihaar Aur Mashoor Shah_Sawar Beto Ko Is Tarha Zillat Ke Sath Qatal Hota Dekh Kar Ghaiz -O- Ghazab Me Apne Hosh -O- Hawas Kho Betha. Aur Muh Me Jhaag Bhar Ker Gusse Me Dant Pieste Huwe Aur Jhillahat Me Dadhi Ke Baal Nounchte Huwe Ghoda Khuda Kar Maidan Me Nikal Pada. Aur Kehne Laga Ke Bachche !! Tum Ne Bachon Ko To Maar Liya , Lekin Ab Tujh Ko Mujh Se Paalaa Pada Hai. Sambhal Ja !! Ke Ab Teri Zindagi Se Sirf Chand Hi Lam'Haat Baaqi Rah Gaye Hain.

Janab Qasim Ne Hiqarat Ke Sath Usko Jawab Diya Ke Az'Raq !! Zara Hosh Ki Dawa Kar, Tu Shamiyo Ke Liye Taa'Qat Ka Pahad Hoga. Abhi Tak Tune Hashmi Kachar Ke Shero Ko Nahi Dekha Hai. Hamari Rago(N) Me Haidare Karrar Ka Khoon Hai. Hamari Nigahe Qa'Har -O- Jalaal Ke Samne Tu Ek Makkhi Aur Machhar Se Zyada Haisiyat Nahi Rakhta..

Az'Raq Ye Khoon Khola Dene Wala Tana Sun Kar Aur Bhi Aag Babagule Ho Gaya. Aur Neza Baazi Shuru Kardi. Lekin, Jab Ye Dekha Ke Barabar Ki Chote Hain. To Ghazab Naak Ho Kar Talwar Nikal Li. Hazrath Qasim Ne Bhi Talwar Khenchli Aur Aage Badhe To Az'Raq Ne Aankhe Phad Kar Gour Se Dekha Aur Hairan Ho Kar Pucha Ke Qasim !!
Ye Talwar To Mere Ladke Ki Hai. Ye Tumhare Hath Kahan Se Aagayi ???
Hazrath Qasim Ne Has Kar Farmaya ..Haan Tera Beta Apni Yaadgaar Ke Tour Per.. Ye Talwar Mujhe Isliye De Gaya Hai Take Isi Se Me Tujhe Mout Ka Zayeqa Chakha Kar Tujhe Tere Beto Ke Paas Pahoncha Do. Az'Raq Ye Sun Kar Farte Ghazab Se Biphar Gaya.. Aur Jo Hi Hamle Ke Liye Talwar Uthayi.. Hazrath Qasim Ne Farmaya Ke Az'Raq !! Sambhal Ham Tujhe Bada Tajruba Kaar Shah-Sawar Samajhte The. Magar Tum To Bilkul Hi Anaadi Nikle. Tum Ko Apni Ghode Ke Peti Ka Bhi Dhyan Nahi.. Ke Wo Dhili Ho Chuki Hai. Az'Raq Jaldi Se Jhuk Kar Ghode Ke Tang Ko Dekhne Laga.. Itne Me
Hazrath Qasim Ne Uski Kamar Per Talwar Ka Aisa Bhar Poor Hath Mara Ke Wo Do Tukde Ho Gaya.. Aur Aap Uchal Kar Uske Ghode Per Sawar Ho Gaye..
Aur Hazrath Imam Ki Khidmat Me Hazir Ho Kar Arz Karne Lage Ke
Chachajaan _______ Pyaas ____ Pyaas.!!!!

Imam Tishnakaam Ne Farmaya Ke Noore Nazar!! Zara Der Aur Sabar Karo Anqareeb Tum Nana-Jaan Ke Muqaddas Hathon Se Jaame Kousar Pi Kar Sairab Ho Jaoge!!
ChachaJaan Ka Farman Sun Kar Hazrath Qasim Phir Maidan Ki Taraf Palat Pade.. Aur Ye Dekha Ke Ibne Sa'Ad Qalbe Lashkar Me Khada Ho Kar Yazeedi Foujo Ki Kaman Kar Raha Hai.
Aapne Socha Ke Kyun Na Isi Khabees Ko Qatal Karke Surkhuru Ho Jao. Chunancha Barqe Khaatif Ki Tarha Ghoda Chamka Kar QalbE Lashkar Me Pahonch Gaye.. Magar Dushmano Ne Har Taraf Se Aap Ko Gher Liya.. Aur Charon Taraf Se Aap Per  Neza -O- Talwar Ki BoChaar Shuru Kardi. Yahan Tak Ke 27 Zakhm Kha Kar Aap Nidhaal Ho Gaye.. Aur Ghode Se Gir Pade...
Shees Bin Sa'Ad Manhoos Ne Aap Ke Sina Per Ek Neza Mara Us Waqt Aapne Farmaya......

Aye Chahajaan !!! Meri Khabar Giri Farmayiye Hazrath Imam Bhatije Ki Dardnaak Pukar Sun Kar Doudh Pade Aur Dekha Ke Paikare Noor Khak -O- Khoon Me Tadap Tadap Kar Dam Tod Raha Hai.
Imam Ne Muqadas Lash Ko Intehayi Mohabbat Se Goad Me Rakh Liya Aur Cehrae Pur-Noor Se Khak -O- Khoon Ke Dhabbo Ko Saaf Karne Lage Itne Me Qasim Jaan-Baaz Ne Ankhen Khool Di.. Aur Apna Sar Imam Ki Aaghooshe Rahmat Me Dekh Kar Farte Musarrat Se Muskuraye. Aur Ek Dam Apni Naqde Jaan Khallaqe Har Do Jaha(N) Ke Naam Per Qurbaan Kar Ke Darul Jina(N) Ke Mehmaan Ban Gaye.

Isi Tarha Hazrath Qasim Ke 3no Bhai Abdullah Bin Hasan Aur Umar Bin Hasan Aur Abu-Bakr Bin Hasan Bhi Intehayi Jaan-Baazi Ke Sath Dushmano Se Jang Karte Huwe Shaha'Dat Se Sarfaraz Ho Gaye.

Plzzzzz > continue reading next post insha ALLAH.......

WAQIYA E KARBALA 》POST NO. (23) HAZRATH HUR KI JAAN-BAAZI

WAQIYA E KARBALA 》POST NO. (23) HAZRATH HUR KI JAAN-BAAZI


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Karbala Ke In Jaanisarane Ahle_Bait Me Jinhone Duniya Ki Doulat-O-Izzat Ko Thokar Maar Kar Apni Azeez Jaano Ko Hazrath Imam Ke Qadmon Per Qurbaan Karke Dono Jahan Me Sarkhuruyi Hasil Ki. Unme Hur Bin Yazeed Riyahi Ka Naam Nami Bhi Qiyamat Tak Faramosh Nahi Kiya Ja Sakta.

Hur Yazeedi Lashkar Me Ek Daste Ke Sipah Salaar Ki Haisiyat Se Khade The. Magar Jis Waqt Ibne Sa'Ad Ne Apne Lashkaron Ko Hazrath Imam Ki Taraf Yalghar Ka Hukm Diya To Ek Dam Hur Ke Chehre Par Intehayi Pareshani Aur Be-Qarari Ke Aasaar Namudar Hogaye. Chehra Zard Ho Gaya. Aur Khouf-O- Hiraas Se Qadam Dag Magane Lage.
Hazrath Hur Ke Bhai Janaab Mus'Ab Bin Yazeed Ne Jab Bhai Ka Ye Haal Dekha To Hairaan Ho Kar Kaha Ke Bhai Jaan ...
Aap To Maidane Kaar-Zaar Ke Bahot Purane Tajrube Kaar Shah Sawar Hain. Maidane Jang Aap Ke Liye Koyi Nayi Cheez Nahi. Aap Ne To Isse Pehle Bade Bade Khooni Manazir Dekhen Hain.. Magar Aaj Aap Ka Kya Haal Hai??
Ke Aap Per Is Qadar Wa'Hshat-O-Dehshat Sawar Hai Ke Aap Intehayi Pareshan-O- Be-Qarar Nazar Aa Rahe Hain..
Hur Ne Kaha Mere Pyare Bhai... Me Wo Bahaddur Nahi Ke Maidane Jang Dekh Kar Ghabrajao ,Me To Zarb-O- Harb Ko Baccho Ka Khel SamajhTa Hoon.
Lekin Aaj Ki Jang Khuda Gawah Hai Ke Ye Allah-O-Rasool Se Jang Aur Apni Aaqibat Se Ladayi Hai. Is Liye Is Jang Ke Tasawwur Hi Se Mere Seene Me Dil Larz Raha Hai. Aur Mere Jism Ka Rongta Rongta Larza Bar'Andaam Ho Raha Hai.. Bhai Mus'Ab -Me Ye Dekh Raha Hon Ke Ek Taraf Jannat Ke Khushrang Phool Khile Huwe Hain.. Aur Ek Taraf Aatishe Jahannam Shola-Zan Hai. Aur Me Is Waqt Jannat-O-Jahannam Ke Darmiyaan Me Khada Hoon.

Hazrath Hur Ne Bhai Ko Ye Jawab Dekar Ibne Sa'Ad Ko Pukara... Aur Kaha Ke Kya Waqa'Ee Tu Ibne RasoolAllah Ko Qatal Kar Dalega???
Ibne Sa'Ad Ne Kaha ...Haan Beshak - Sirf Imam Hussain Hi Ko Nahi Balke Me To Gulshane Nabuwwat Ke Ek Ek Phool Ko Masal Dalonga. Aur Ahle-Bait Ke Ek Ek Bachche Ko Zabah Karke Dam Lunga. Hazrath Hur Ne Kaha Ke Kya Tujhe Hazrath Imam Ki Pesh Ki Huwi Musa'Lahat Ke Sharte Manzoor Nahi???
Ibne Sa'Ad Ne Jhillakar Kaha Ke Bilkul Nahi. Ab To Me Hazrath Imam Se Jang Ke Siwa Khuch Kehna Hi Nahi Hai. Ibne Sa'Ad Ka Ye Shararat Aamez Jawab Sun Kar Hazrath Hur Ke Dil Me Ekdam Haqqaniyat Ke Sekhdo(N) Chiragh Roshan Ho Gaye... Aur Aap Ne Tadap Kar Farmaya.. Ke Aye Mardod - Tu Kal Qiyamat Ke Din Khuda Ke Samne Kya Jawab Dega???
Aur Rasoole Khuda Ko Kya Muh Dikhayega??
Khuda Ki Qasam! Agar Mere Jism Ke Tukde Tukde Kar Diye Jayen... Jab Bhi Me Ibne RasoolAllah Aur Noor-E-Chasme Haidare Karrar Per Talwar Nahi Utha Sakta..
Hur Ne Ye Kaha Aur Ek Dam Ghoda Kuda Kar Hazrath Imam Ki Khidmat Me Hazir Ho Gaya. Aur Qadam Boos Ho Kar Arz Karne Laga.. Ke Aye Jigar Gosha-E-Rasool-O- Farzande Batool! Me Wahi Rusiyah Hon Jisne Aap Ka Rasta Roka Tha. Magar Khuda Ki Qasam Mujhe Ye Waham Bhi Nahi Tha Ke Yahan Tak Noubat Pahonchegi. Aur Ye Badbakht Ashqiya Aap Ka Sar Kaatne Ke Liye Tayyar Ho Jayenge..
Lekin Behre Haal Me Ab Tayib Ho Kar Bargahe Aali Me Hazir Ho Gaya Hoon.. Lillah...Huzoor Wala Mere Jurmo Ko Apne Damane Afu-O-Karam Me Chupa Kar Ab Mujhe Ahle_Bait Per Jaan Khurbaan Karne Ki Ijazat Marhamat Farmayen..
Hazrath Imam Ne Hur Ko Apne Qadmon Se Otha Kar Seene Se Laga Liya.. Aur Ye Basharat Di Ke Me Ne Teri Khata Muaf Kar Di.. Aur Meri Dua Hai Ke  Khudawande Sattar-O-Ghaffar Bhi Teri Touba Ko Qubool Farmaye..
Hur Hazrath Imam Ki Zaaban Se Ye Muzhda Jaan-Fiza Sun Kar Bagh Bagh Hogaye.  Aur Jang Ki Ijazat Pa Kar Maidane Jang Ki Taraf Rawana Huwe.. Aur Ghoda Chamka Kar Bijli Ki Tarha Dushmanane Ahle-Bait Ki Safon Per Qahre Elaahi Ban Kar Jhapta. Hur Ke Bhai Mus'Ab Ne Ye Dekha Ke Mera Bhai Nyamate-Darain Se Sarfaraz Aur Doulat-E-Konain Se Mala Maal Hogaya. To Iske Dil Me Bhi Haqqaniyat Ka Wal Wala Aur Haq Shanasi Wa Haq Parasti Ka Jazba-O- Joosh Paida Ho Gaya... Aur Wo Bhi Ghoda Doudha Kar Bhai Ki Taraf Badha..
Yazeediyo Ne Ye Samjha Ke Bhai Se Ladhne Ke Liye Jaa Raha Hai.. Lekin Unki Hairat Ki Koi Intehayi Na Rahi Jab Unhone Ye Dekha Ke Mus'Ab Janaab Hur Se Ye Kehne Laga Ke Mere Bhai! Khuda Tera Bhala Kare Ke To Mere Liye Khizre Raah Ban Gaya Aur Tune Bahot Badi Hilakat Se Mujhe Najaat Dilayi.. Mere Bhai! Me Abhi Tere Sath Ahle-Bait Ki Azmat Per Apni Jaan Qurbaan Karke Dono Jahan Ki Saltanat Izzat Ka Sultaan Banne Ki Tammanna Rakhta Hon.. Hur Ne Khush Ho Kar Apne Bhai Mus'Ab Ko Gale Se Laga Liya Aur Dono Bhai Yazeedi Lashkar Ke Samne Seena Tan Ke Joshe Jihaad Me Bhare Huwe Khade Ho Gaye..Aur Pehle Hur Ne Maidan Me Nikal Kar Rijz Ka Ye Sher Padha...

●° Me Hur Hon Aur Me Mehmaan Nawaaz Hon
Me Talwar Se Tumhari Gardane Odha Dunga°●

Ibne Sa'Ad Apne Lashkar Ke Ek Sipah Salar Yani Hur Ki Sherana Garajdaar Aawaz Sun Kar Ghabra Gaya.. Aur Usne Bahot Kuch Soch Bichar Kar Ek Bahot Hi Naami Pehalwan Yani Shaitan Sift Sifwan Ko Bheja . Ke Hur Ko Samjha Bujha Kar Mere Paas Le Aa.. Aur Agar Wo Na Mane To Uska Sar Kaat Le.
Chunancha Safwan Chala Aur Hur Ke Paas Aa Kar Kehne Laga.. Ke Aye Hur -! Ham Teri Aqal -O- DaaNaayi Per Waz Karte The.
Magar Aaj Ham Teri Naadaani Per Matam Karte Hain.. Ke Tune Is Lashkare-Jarrar Se Nikal Kar Aur Yazeed Ke Gira Qadar , In'Aam-O-Ikram Ko Thukra Kar Un Chand Be-Kas Musafiro Ka Sath Diya Hai. Jinke Toshe Dano Me Roti Ka Ek Tukda Aur Jin Ki Mashko Me Paani Ka Ek Qatra Bhi Nahi Hai... Afsoos !!
Teri Aqal Kahan Maari Gayi??? Hur Ne Tadap Kar Jawab Diya Ke Mardod !! Me Naadaani Nahi Kar Raha Hoon.. Balke Tum Log Apni Himaqat-O-Naadaani Ka Matam Karo.. Ke Tum Logo Ne Tahir Ko Chod Kar Najis Ko Qubool Kiya.. Aur Duniya -E- Faani Ke Chand Dirham-O-Dinar Ke Badle Aalame Baaqi Ki Anmol Aur Laa'Zawaal Nemato Ko Bech Dala..
Aye Zalimon !!! Tum Me Se Koun Nahi Jaanta Ke Rahmate Aalamﷺ
Ne Hazrath Imam Hussain Ko Apna Phool Farmaya Hai.. Magar Tum Log Gulshane Risalat Ke Is Phool Ko Masal Kar Paamaal Karne Ke Liye Tayyar Ho Gaye Ho..
Lekin Yaad Rakho Ke Jab Tak Mere Jism Me Khoon Ka Ek Qatra Bhi Baaqi Hai Me Gulshane Nabuwwat Ke Is Phool Per Aanch Nahi Aane Dunga.. Me Yazeed Ke In'Aam-O- Ikram Ke Khazano Ko Thokar Maarta Hon Mujhe To Nalaine Mustafa Ko Apne Sar Ka Taaj Banane Ki Tamanna Hai. Tum Darya-E- Faraat Ke Paani Per Naaz Karte Ho.. Magar Me Saqi-E- Kousar Ke Muqaddas Hatho Se Kousar-O-Salsabeel Ka Jaam Pine Ka Ummeed Waar Hoon...


"Safwan" Ne Bahot Kuch Charb Zabani Se Kaam Liya..Magar Usne Jab Dekh Liya Ke Harzath Hur Ka Sina Ahle Bait Ki Muhabbat Ka Safeena Ban Chuka Hai.. Aur Koyi Hirs Aur Lalach Iske Qadam Ko Jadahe-Mustaqeem Se Bargashta Nahi Kar Sakti..To Usne Dhoke Se Janab Hur Ke Sine Per Ek Teer Maar Diya.. Janab Hur Teer Kha Kar Zakhmi Sher Ki Tarha Safwan Per Neze Se Hamla Aawar Huwe Aur Neza Ka Ek Aisa Bhar Pur Hath Iske Sine Me Mara Ke Sine Ko Chedhta Huwa Pusht Ke Paar Hogaya..Aur Isko Ghode Ke Zain Se Neze Per Utha Kar Is Zoor Se Zameen Per Patka Ke Uski Gardan Toot Gayi.. Aur Wo Fouran Hi Margaya... Safwan Ke 3 Bhai Jo Bhaot Hi Naamwar Jangjo The , Apne Bhai Ko Yun Qatal Hota Dekh Kar Aapese Baher Ho Gaye.. Aur Pehle 2 Bahi Hur Ke Muqabale Per Aaye Aur Dono Ne Hur Per Ba Ek Waqt Hamla Kar Diya.. Magar Hur Ne Shamshire Aabdaar Ki Mujahidana Maar Se Dono Ka Sar Udha Diya.. 3sra Bhai Bhag Nikla ..Lekin Hur Ne Ghoda Chamka Kar Uska Taaqub Kiya Aur Bhagte Huwe Uski Peet Me Aisa Neza Mara Ke Sine Se Paar Ho Gaya..Aur Wo Gashq Kha Kar Ghode Se Gir Pada. Aur Hur Ne Shamsheer Ki Ek Zarb Se Uska Bhi Kaam Tamam Kar Diya.. Safwan Aur Uske 3no Bhayiyo Ko Qatal Karke Janab Hur Hazrath Imam Ki Khidmat Me Hazir Ho Kar Arz Karne Lage Ke Aye Ibne RasoolAllah !!! Kya Aap Mujh Se Razi Hogaye??
Hazrath Imam Ne Farmaya Ke ...
نعم انت حر
Haan Beshak MeTujh Se Khush Hoon..Aur Tujhe Ye Khushkhabri Deta Hon Ke Tu Jahannam Se Aazad Hai.. Janab Hur Ye Basharat Sun Kar Farte Musarrat Se Jhoom Uthe.. Aur Phir Maidan Me Aakar Intehayi Jaan Baazi Se Ladhne Lage.. Aur Bahot Se Zalimon Ko Qatal Karke ..Phir Imam Ke Samne Aaye Aur Sukhi Zuban Dikha Kar Arz Karne Lage Ke ..Aye Imam !! Ab Tishna Kami Had Se Badh Chuki Hai...Aur Pyaas Ki Shiddat Na Qabile Bardasht Ho Chuki Hai.... Imam Aali Maqam Ne Farmaya Ke Hur  Mere Azeez Hur  Zara Der Aur Sabar Karo Aur Rahe Haq Me Apna Sar Kata Kar Huzoor Saqi -E- Kousar Ke Muqaddas Hatho Se Jaame Kousar Pi Kar Sairab Ho Jao .
Hur Ye Khush Khabri Sun Kar Phir Maidan Jang Me Jaame Shahadat Ki Tamanna Me Sar Faroshana Jang Karne Lage Aur Lashkar-E-A'Ada Per Aap Ki Shuja'At Ka Aisa Sikka Baith Gaya Ke Bade Bade Bahduro Ke Qadam Okhad Gaye.. Lekin Ibne Sa'Ad Ne Jab Apne Lashkariyo Ko Danta Ke Tum Log Ek Sipahi Ko Qatal Nahi Kar Sakte??


To Bahot Se Saffako Ne Aap Ka Muhasira Kar Liya . Aur Aap Per Is Qadar Teer Barsane Lage Ke Aap Ka Ghoda Zakhmo Se Choor Ho Kar Zameen Per Gir Pada.. Aur Aap Paidal Ho Kar Ek Jame Ghafeer Se Tanha Ladhne Lage .. Charon Taraf Se Teero Ke Minah Baras Raha Hai. Aur Bahot Se Piyadah Aur Sawar Neza -O- Talwar Se Aap Per War Kar Rahe Hain.. Magar Aap Azm-O- Isteqamat Ka Kohe Giraa(N) Baar Bane Huwe Maidan Me Date Rahe .. Yahan Tak Ke Ek Saffak Zalim Ne Aap Per Aisa Neeza Chalaya Ke Aap Uske Kaari Zakhm Ki Taab Na La Sake. Aur Ek Janisaar Wafadar Ki Tarha Daa'De Shuja'At De Kar  Jigar Gosha-E-Rasool-O- Farzande Batool Ki Nusrat-O-Himayat Me Apni Jaan Qurban Karke Shahadat Se Sarfaraz Ho Gaye..
Imam Aali Maqam Hur Ko Maidane Jang Se Otha Kar Laye Aur Apne Zaanu-E-Aqdas Per Unka Sar Rakh Kar Apne Damane Athar Se Unke Cehre Ke Gird-Oz Ghubbaar Ko Saaf Karne Lage.. Hur Me Abhi Zara Si Jaan Baqi Thi .. Aankhen Kholdi Aur Jab Ye Dekha Ke Mera Sar Farzande Rasool Ki Good Me Hai.. To Apne Muqaddar Ki Khush-BaKhti Per Naaz Karte Huwe Firdose Baree(N) Ko Rawan Ho Gaye...
♢ إِنَّا لِلّهِ وَإِنَّـا إِلَيْهِ رَاجِعونَ ♢

Hazrath Imam Hur Ki Jaanisari -O- Wafadari Ko Yaad Karke Rote The Aur Yun FArmate Jate The....

•● Hur Bin Yazeed Riyahi Bahot Hi Achcha Hur Hai,
Jo Nezo(N) Ke Jamghate Me Bhi Sabir Raha ●•

•● Aur Hur Kitna Achcha Hai Ke Usne Husain Ko Pukara
Aur Subh Ke Waqt Usne Apni Jaan Ki Saqawat Kardi ●•

Hur Ki Shahadat Ke Ba'D Mus'Ab Aur Hur Ke Farzand Ali Bin Hur Aur Hur Ke Gulam Namra Ye 3no Bhi Intahayi Jaa(N)_Baazi Ke Sath Yazidi Lashkar Se Ladte Huwe Jaame Shaha'Dat Se Seraab Hogaye.

Algharaz Isi Tarha Ahle-Bait Ke Tamam Rufaqa -O- Jaanisaraan Noubat-Ba-Noubat Midane Jang Me Dade Shuja'At Dekar Apni Jaane Qurbaan Kar Chuke. Aur 50 Se Zyada Jaanisaraane Ahle-Bait Shaheed Ho Chuke. Ab Sirf Khandane Ahle-Bait Baaqi Reh Gaye Hain. Aur Dushmanaane Khoo(N)Khwar
Unhi Ke Khoon Ke Pyase Hain. Aur Jawanaane Ahle-Bait Bhi Go-Mutthi Bhar Hain...Magar Yazidiyo Ke Lashkare-Jarrar Ke Samne Azm-O-Isteqamat Na-Qabile Taskheer Pahad Ban Kar Date Huwe Hain. Har Jawan Shouqe Shahadat Me Imam Ki Nusrat -O- Himayat Ke Liye Parwanawar Nisaar Hone Per Tayyar Hai.. Na Kisi Ka Housla Past Hai.. Na Koi Jang Se Farar Ka Khawstgaar Hai. Har Ek Ki Yahi Tamanna Aur Har Ek Ka Yahi Israr Tha Ke Pehle Jaanisari Ka Inko Mouqa Diya Jaye..

Chunanche Isme Koyi Shubah Nahi Ke Ahle-Bait E Nabuwwat Ke Noujawano Ne Khake Karbala Ke Safhath Per Apne Khoon Se Shuja'At -O- Jaanisari Ke Jo Nuqoosh Banaye Hain. Qiyamat Tak Gardishe Lail-O-Nihar Unko Mita Nahi Sakti. Khandane Asadullah Ghalib Ke Sherane Haq Me Apne Mujahidana Hamlo Se Karbala Ki Zameen Ko Zeer -O- Zabar Kar Diya Aur Unki Asadullahi Talwaro Ki Zarb Se Bade Bade Bahadduron Ke Sino Me Dil Larazne Lage...
Hashmi Jawano Ne Karbala Ki Tish-Na-Zameen Ko Dushmano Ke Khoon Se Seraab Kar Diya.. Inki Teghe Be-Niyam Dushmano Ke Liye Mout Ka Paigham Aur Inka Neza-O-Sanaan Zalimo Ke Haq Me Qaza Ka Farman The. Jidhar Rukh Karte Dushmno Ki Safe Darham Barham Ho Jate. Aur Ye Qalbe Lashkar Tak Pahonch Kar Istarha Dushmno Ka Qatle Aam Karte The Ke Goya Sawar Maqtalo Ke Samandar Me Tair Raha Hai. Isi Tarha Har Hashmi Jawan Apni Jaan-Bazi Aur Shuja'At Ke Johar Dikha Kar Aur Sainkhdon Bad-Batil Ko Mout Ke Ghaat Utar Kar Imam Aali Maqam Per Apni Jaan Qurbaan Kar Ke Shaheed Hota Raha. Yazeedi Ye Samajhte Rahe Ke Hamne Inhe Maar Dala Aur Ye Log Mar Gaye.. Lekin Zameene Karbala Ka Zarra Zarra Aur Saari Khudayi Pukar Rahi Thi Aur Khud Khuda Ye Aelaan Farmata Raha Hai Ke...

Yani Kabhi Koyi Apne Dil Me Ye Khayal Bhi Na Laye Ke Ye Log Mar Gaye..
Ye Murda Nahi Hain...
Balke Ye Log "Zinda" Hain.
SubhanAllah

Aalahazrat (RadiyAllahu Ta'Aala Anhu) Kya Khoob Farmaya Hain

•● Tu Zinda Hai WAllah
Tu Zinda Hai WAllah
Mere Chasme Aalam Se Chup Jaane Wale •●

Yun To Khandane Ahle-Bait Ke Har Ek Jawaan Ne Is Haq -O- Batil Ke Azeem Muarrika Me Intehayi Jazbaye Imaani Wa Joshe Islami Ke Sath Apni Qimati Jaan Ko Qurbaan Karke. Dono Jahan Ki Sarkhuruyi Hasil Ki. Aur Aisi Sarfuroshi Wa Jaan-Baazi Ke Sath Dushmanaane Deen Ka Muqabla Kiya Ke Karbala Ki Zameen Per Zarra Zarra Tehseen -O- Afreen Ka Nara Buland Karne Laga.
Magar Is Waqt Chand Shohda -E- Ahle_Bait Ki Shahadato Ke Tafsili Manazir Ki Bhi Chand Jhalkiyan Apke Samne Likh Dete Hain...Take Aap Bhi Isko Padh Kar Apni Islami Ragon Ke Qatrate Khoon Me Jazba -E- Imaani Ki Hararat Mehsoos Karne Lage..

Plzzzzz 》continue reading next post. .........

WAQIYA E KARBALA 》POST NO. (22) WAHAB BIN ABDULLAH

WAQIYA E KARBALA 》POST NO. (22) WAHAB BIN ABDULLAH


 *بسم الله الرحمن الرحيم*
*الصلوة والسلام عليك يا رسول الله صلى الله عليه وسلم*


Isi Tarha Hazrath Wahab Bin Abdullah Kalbi Ki Mujahidana Sarfaroshi Ki Dastaan Bhi Qayamat Tak Faramosh Nahi Ki Ja Sakti. Ye Qabila Bani Kalb Ke Bahot Hi Haseen Aur Khubsurat Noujawan The.
Aur Inki Shadi Ko Abhi Sirf 17 Roz Hi Huwe The. Inki Maa Ne Kaha Beta Aaj  Mere Rasool Ka Pyara Nawasa Aur Hazrath Khatune Jannat Bibi Fatimah Ka Noore Nazar Be-Yaar-O- Madadgaar Dushmano Ke Narghe Me Giraftaar Ranj-O-Gham Ka Shikaar Hain..
Aye Beta! Isliye Meri Tamanna Hai Ke Tera Khoon Jo Mere Doodh Se Bana Hai Aaj Iska Ek Ek Khatra Rahe Haq Me Baha Kar ,Tu Apni Jaan Ahle-Bait Per Qurbaan Karke Meri Maghfirat Ka Samaan Kar De.
Chunancha Wahab Bin Abdullah Apni Walida Aur Apni Nayi Naweli Dulhan Ko Sath Le Kar Karbala Me Aaye.
Aur Hazrath Imam Se Ijazat Le Kar Ghode Per Sawar Huwe Aur Koondti Huwi Bijli Ki Tarha Maidane Jang Me Pahonch Gaye. Aur Mujahidana Lehje Me Jhoom Jhoom Kar Rajz Ka Ye Sher Padhne Lage..

حسین امیر و نعمہ الامیر
لہ لمعتہ کالسراج المنیر

Yani Aye Yazeediyo Sunlo!!..... Mera Aelaan Hai Ke Yazeed "Ameerul Momineen" Nahi Hai.
Balke "Ameerul Momineen" Husain Hain. Aur Wo Behtareen "Ameerul Momineen" Hain.
Inki Chamak Damak Roshan Chiragh Ki Tarha Munawwar Hai.
Yazeedi Fouj Ke Bade Bade Sorma Aur Jangjo Bahaddur Aap Ke Muqabla Ke Liye Aaye. Magar Jo Bhi Samne Aaya. Aapne Talwar Se Iska Sar Udha Diya. Aur Bahot Se Zalimon Ko Mout Ke Ghat Utar Kar Apni Maa Aur Biwi Ke Paas Aaye .Ye Dono Janaab Wahab Bin Abdullah Ka Mujahidana Jaan'Baaziyo Ka Nazara Dekh Dekh Kar Khush Ho Rahi The. Aap Ne Arz Kiya Ke  Aye Meri Muqaddas Maa ! Ab To Aap Mujh Se Khush Ho Gaye??
Maa Ne Dil Khol Kar Duaaye Diye.. Kaha Ke Beta! Me Tujh Se Khush To Ho Gayi.
Lekin Mere Laal Meri Khushi Ki Meraj To Jab Hogi Ke Maidane Jang Me Dushmano Ki Zarab Se Tera Jism Chalni Hojaye. Aur Tu Surkh Posh Dulha Ban Kar Uruse Shahadat Ki Aagosh Me Jannati Mehmaan Aur Mere Liye Rasoole Arbi Ki Shafa'at Ka Samaan Ban Jaye.
Phir Wahab Bin Abdullah Ne Apni Roti Huwi Nayi Naweli Dulhan Ke Sar Per Hath Rakh Kar Tasalli Di. Itne Me Dushman Ki Safo Me Se Mohkam Bin Tufail Ek Naami Girami Pehlwaan Mast Haathi Ki Tarha Jhoomta Huwa Nikla. Wahab Bin Abdullah Ko Jang Ki Dawat Dene Laga.

Hazrath Wahab Uski Aawaz Sun Kar Fouran Ghode Per Sawar Ho Gaye. Aur Apni Muqaddas Maa Aur Pyari Dulhan Ko Aakhri Salam Karke Shere-Nar Ki Tarha Maidane Jang Ki Taraf Badhe. Aur Mohkam Bin Tufail Ke Muqabla Ke Liye Tayyar Ho Gaye. Mohkam Bin Tufail Apne Intehayi Ghuroor Ke Nashe Me Sar Shaar Tha. Itrata Huwa Aage Badha Aur Intehayi La Parwahi Ke Sath Janab Wahab Per Talwaar Ka War Kiya. Magar Janab Wahab Ne Intehayi Phurti Aur Chaabuk Dasti Ke Sath Usko Neza Maar Kar Neze Ki Ani Per Utha Liya. Aur Is Zoor Se Zameen Per Patka Ke Uski Haddiya Chakna Choor Ho Gaye.
Ye Dekh Kar Ishqiya-E- Lashkar Per Aisi Haibat Aur Sara-Seemgi Cha Gayi Ke Yazeedi Lashkar Ka Dil Hil Gaya.
Chunancha Hazrath Wahab Neza Hila Hila Kar Yazeedi Sormao(N) Ko Lalkarte Aur Jang Ki Dawat Dete The.


Magar In Buz_Dilon Me Se Kisi Ki Taab Aur Himmat Nahi Padhti Thi. Aap Ke Muqabla Ke Liye Maidaan Me Nikalta. Idhar Jaanab Wahab Shouqe Shahadat Me Is Qadar  Wa-Rafta Ho Rahe The Ke Dam Bhar Ke Liye Qarar Nahi Tha. Jab Aap Ne Dekha Ke Koyi Bhi Mere Muqabla Ke Liye Maidaan Me Nahi Nikalta To Aap Khud Hi Dushmano Ko Lalkarte Huwe Bhuke Shair Ki Tarha Dushmano Per Hamla Awar Hogaye. Aur Is Zoor Ka Mujahidana Hamla Kiya Ke Dushmano Ki Saffon Ko Darham Barham Karte Huwe Qalbe Lashkar Tak Pahonch Gaye. Aur Apne Neze Ki Maar Se Bade Bade Bahadduro Ko Ched Kar Chslni Bana Dala. Yahan Tak Ke Aap Ka Neza Toot Gaya.

Phir App Ne Biphar Kar Miyaan Se Talwar Nikali Aur Apni Shamsheer Aab-Daar Ki Maar Se Bahot Se Zalimo Ko Kheere Aur Kakdi Ki Tarha Kaat Kar Rakh Diya. Aap Joshe Jihaad Me Intehayi Jaan-Bazi Ke Sath Talwaar Chala Rahe The.  Ke Achanak Kisi Khabees Ne Nishana Bandh Kar Aap Ke Ghode Ki Peshani Per Aisa Teer Mara Ke Ghoda Nidhal Ho Kar Zameen Per Gir Pada. Aur Aap Piyada Pa Ho Gaye. Itne Me Ibne Sa'Ad Ne Apne Lashkar Ko Hukm Diya Ke Iska Muhasira Karlo.
Chunancha Har Taraf Se Ashqiyane Dhawa Karke Is Bahaddur Mujahid Ko Gher Liya Aur Charo Taraf Se Is Qadar Neze Barsaye Aur Is Tarha Neeza -O-Talwaar Se Lagataar Hamla Karne Lage. Aap Laachar Ho Kar Zameen Per JalwaGar Huwe. Aur Ek Shaqi Ne Aage Badh Kar Aap Ka Sar Kaat Liya
Aur Hazrath Imam Ke Samne Phenk Diya. Wahab Ki Maa Ne Doudh Kar Apne Bete Ke Sar Ko Apni Goud Me Utha Liya. Aur Intehayi Pyaar -O- Mohabbat Ke Sath Pashani Ko Choom Kar Apne Kaleje Se Laga Liya. Shaire Dil Maa Baar Baar Apne Mujahid Aur Shaheed Bete Ke Sar Ko Boosa Deti Thi Aur Kehti Thi Ke ..
Aye Mere Supoot Bete.. Aye Mere Bahaddur Bete.. Khuda Gawah Hai Ke Aaj Tune Mere Doodh Ka Haq Ada Kar Diya. Aye Beta Tujhe Mubarak Ho. Khuda Aleem Hai Ke  Aaj Teri Maa Tujh Se Khush Ho Gayi.
Phir Maa Ne Apne Bete Ka Sar Dulhan Ki Goud Me Rakh Diya! Aur Kaha Ke Beti Tujhe Mubarak Ho Ke Maidane Mehshar Me Khuda Ka Munadi Tujhe Ek Shaheed Ki Bewa Keh Kar Pukarega. To Us Waqt Tera Sar Fakhra' Se Ooncha Ho Jayega Ke Tu Is Mujahide Jaan'Baaz Ki Refeeqe Zindagi Hai.
Jo Tere Bistare Urusi Se Oth Kar Aaya Aur Khuda Ki Rah Me Apna Khoon Ka Aakhri Qatra Baha Kar Aur Apne Khoon Me Naha Kar Surkh Posh Dulha Ban Kar Shahadat Ki Dulhan Se Ham-Aaghosh Ho Gaya.
Dulhan Ne Walihana Josh -O- Mohabbat Ke Sath Apne Sartaaj Ke Sar Ko Apne Seene Se Chimta Liya.
Magar Uske Gore Gore Gaal Aur Kale Kale Haseen Baal Ko Khaak-O- Khoon Me Lat-Pat Dekh Kar Uska Kaleja Phat Gaya. Shiddate Gham Se Uska Haal Is Qadar Nidhal Ho Gaya Ke Garam Garam Aansu Ki Dhaar Uske Rukhsaar Per Behne Lagi Aur Ba-Wajood Zabt Ke Ek Cheekh Nikal Gayi Aur Zabane Haal Se Usne Sohar Ke Kate Huwe Sar Se Ye Kaha Ke...

رفتی و مرا خبر نہ کردی
بر بیکسئ ما نظر نہ کردی

Phir Ek SarD-Aa'H Ke Sath Iska Taire Ruh Parwaaz Karke Apne Dulha Ke Sath Ham-Aaghosh Ho Gaya.
إِنَّا لِلّهِ وَإِنَّـا إِلَيْهِ رَاجِعونَ.

Plzzzzz 》continue reading next post. ........